ہیڈلائنز


شبیر ابو طالب اورحمزہ علی عباسی پرپابندی

Written by | روزنامہ بشارت

اسلام آباد: پیمرانے صورتحال کو مزید خرابی سے بچانے کے لیے اور ناظرین کی دل آزاری اور شکایات کے پیشِ نظر، پیمرا آرڈیننس 2002 کے سیکشن 27 کے تحت ’ٹی وی ون‘ کے پروگرام ’’عشقِ رمضان‘‘ (میزبان شبیر ابو طالب ) اور’ آج نیوز‘ کے پروگرام ’’ رمضان ہمارا ایمان‘‘ ( میزبان حمزہ علی عباسی) پر فوری طور پر پابندی لگا دی۔پیمرا کی جانب سے جاری بیان کے مطابق جیسا کہ 4مئی 2016ء کو پیمرا نے ہدایات جاری کیں تھیں کہ تمام ٹی وی چینلز رمضان ٹرانسمشن کی پلاننگ کرتے ہوئے ضابطہ اخلاق کو مدنظر رکھیں۔ یہ بات بخوبی واضح کی گئی تھی کہ خلاف ورزی اور شکایات موصول ہونے کی صورت میں فوری قانونی ایکشن لیا جائے گا۔ جیسا کہ ٹی وی چینلز کی رمضان ٹرانسمشنز کے خلاف پیمرا کو صرف چار دنوں میں اس کے ٹویٹر اکاؤنٹ ، کال سنٹر، ای میل،فیس بک، sms، WhatsAppاور موبائل فون پر 1133 شکایات موصول ہوئی۔ ان شکایات میں رمضان نشریات کی آ ڑمیں صرف ریٹنگ کے لیے مبارک مہینے کے تقدس کو پامال کیے جانے اورمتنازعہ، فرقہ وارانہ اور متشددانہ گفتگو کے نشر ہونے پر سخت غم و غصے کا اظہار کیا جا رہا ہے ۔پیمرا کی واضح ہدایات کے باوجود، بدقسمتی سے ،ٹی وی چینل مالکان ، اینکر، خوا تین و حضرات اور اُن کے شرکائے گفتگو غیر سنجیدگی اور غیر ذمہ داری کی تمام حدود کو پامال کرتے ہوئے اس حد تک چلے گئے کہ ٹی وی سکرین پرپارلیمنٹ کے متفقہ فیصلوں پر بے موقع گفتگو اور جواباًایسی گفتگو کرنے والوں کے خلاف عدالت لگا کر قتل و غارت کے فتوے نشر ہونے لگے۔صورتحال کو مزید خرابی سے بچانے کے لیے اور ناظرین کی دل آزاری اور شکایات کے پیشِ نظر، پیمرا آرڈیننس 2002 کے سیکشن 27 کے تحت ’ٹی وی ون‘ کے پروگرام ’’عشقِ رمضان‘‘ (میزبان شبیر ابو طالب ) اور’ آج نیوز‘ کے پروگرام ’’ رمضان ہمارا ایمان‘‘ ( میزبان حمزہ علی عباسی) پر فوری طور پر پابندی لگا دی گئی ہے۔’ٹی وی ون‘ اور ’آج نیوز‘، پیمرا کے اس فیصلے پر عمل کو مورخہ 17جون 2016ء ؁ شام سات بجے تک یقینی بنائیں۔ فیصلے پر عمل درآمد نہ ہونے کی صورت میں ٹی وی چینلز کی نشریات بند کر دی جائیں گی۔ اس بارے میں احکامات متعلقہ ڈسٹری بیوشن نیٹ ورکس کو جاری کر دئیے گئے ہیں۔دونوں پروگراموں کے میزبان شبیر ابو طالب، حمزہ علی عباسی اور ایک شریکِ گفتگو کوکب نورانی اوکاڑوی نے اگر کسی اور ٹی وی چینل پر اس موضوع پر یا کوئی اور ایسی متنازعہ گفتگو کی تو اُس چینل کے اُس پروگرام کو بھی فوری طور پر بند کر دیاجائے گا۔پیمرانے فوری طور پر یہ کیس شکایات کونسل کراچی کو بھجوا دیا ہے جو 20جون 2016ء ؁ بروز سوموار، دن 11بجے تمام فریقین کو سُن کر فیصلہ دے گی ۔اس سلسلے میں تمام فریقین کو سمن جاری کر دیے گئے ہیں۔مذکورہ چینلز پر شکایات کونسل کے فیصلے کے آنے تک اپنی رمضان ٹرانسمشن کسی بھی اور اینکر کے ساتھ پیمرا کے ضابطہ اخلاق کے مطابق چلانے پر کوئی پابندی نہیں ہو گی۔تمام ٹی وی چینلز کو ایک بار پھر متنبہ کیا جاتا ہے کہ وہ رمضان نشریات میں ضابطہ اخلاق کی پابندی کو یقینی بنائیں۔ خلاف ورزی کی صورت میں فوری تادیبی کاروائی کی جائے گی۔

Clear

22°C

اسلام آباد

Clear
Humidity: 59%
Wind: NW at 11.27 km/h
Sunday 24°C / 30°C Sunny
Monday 24°C / 30°C Sunny
Tuesday 23°C / 31°C Sunny
Wednesday 23°C / 31°C Sunny
Thursday 26°C / 30°C Sunny
Friday 25°C / 30°C Sunny
Saturday 25°C / 29°C Sunny

تازہ ترین خبریں

کالم / بلاگ