ہیڈلائنز


تحریک انصاف میں پھوٹ پڑ گئی،5 اراکین قومی اسمبلی کا نیا محاذ

Written by | روزنامہ بشارت

اسلام آباد : تحریک انصاف میں پھوٹ پڑ گئی،5 اراکین قومی اسمبلی کا نیا محاذ،عمران خان کے صبر کا پیمانہ لبریز،بڑا قدم اُٹھالیا،پاکستان تحریک انصاف کے چیئرمین عمران خان نے خیبرپختونخوا سے تعلق رکھنے والے 5 اراکین قومی اسمبلی کی صوبائی حکومت اور وزیراعلیٰ پر کھلی تنقید کا نوٹس لیتے ہوئے شدید برہمی کا اظہار کیا ہے اور ان اراکین اسمبلی کو سات روز کے اندر اپنے الزامات اور شکایات کی تفصیلات فراہم کرنے کی ہدایت کی ہے۔ تحریک انصاف کے ترجمان کے مطابق خیبرپختونخوا سے تعلق رکھنے والے پانچ اراکین قومی اسمبلی کی پختونخوا حکومت اور وزیراعلیٰ پر میڈیا کے ذریعے تنقید پارٹی نظم وضبط کی کھلی خلاف ورزی ہے جس پر چیئرمین عمران خان نے انتہائی ناگواری کا اظہار کیا ہے۔ ان کے مطابق تحریک انصاف کے چیئرمین نے پانچوں اراکین اسمبلی کے اس طرز عمل کو ناقابل قبول قرار دیتے ہوئے انہیں متنبہ کیا کہ وہ اختلافات وشکایات کی کھلے بندوں میڈیا پر تشہیر سے مکمل گریز کریں اور پارٹی کے اندرونی معاملات کو میڈیا پر اچھالنے سے باز رہیں۔ ترجمان کے مطابق چیئرمین عمران خان نے پانچوں اراکین اسمبلی کو وزیراعلی اور صوبائی حکومت کے خلاف شکایات کی تفصیلات اور شواہد سات روز کے اندر چیئرمین سیکرٹریٹ میں جمع کروانے کی ہدایت کی ۔

Clear

25°C

اسلام آباد

Clear
Humidity: 68%
Wind: NNW at 11.27 km/h
Thursday 22°C / 30°C Scattered thunderstorms
Friday 22°C / 30°C Sunny
Saturday 24°C / 30°C Sunny
Sunday 22°C / 30°C Sunny
Monday 23°C / 30°C Sunny
Tuesday 24°C / 30°C Sunny
Wednesday 23°C / 30°C Thunderstorms

تازہ ترین خبریں

کالم / بلاگ