ہیڈلائنز


وزیر خزانہ اسحاق ڈار آج نئے مالی سال کا بجٹ پیش کریں گے

Written by | روزنامہ بشارت

مجموعی حجم ساڑھے چوالیس کھرب ، خسارہ بارہ سو پچاس ارب ہوگا ، سرکاری ملازموں کی تنخواہوں اور پنشن میں اضافے کا امکان

اسلام آباد:وزیر خزانہ اسحاق ڈار آج شام پارلیمنٹ میں نئے مالی سال کا بجٹ پیش کریں گے ، دنیا نیوز نے سب سے پہلے بجٹ دستاویزات حاصل کرلیں ۔ بجٹ کا مجموعی حجم ساڑھے چوالیس کھرب جبکہ خسارہ بارہ سو پچاس ارب روپے ہوگا ۔ سرکاری ملازمین کی تنخواہوں اور پنشن میں سات سے پندرہ فیصد اضافے کا امکان ہے ۔ مالی سال 17-2016ء کا بجٹ حجم ساڑھے 44 کھرب روپے سے زائد ، دفاعی اخراجات میں 117 ارب کا اضافہ ، عوام کیلئے سبسڈی وہی 169 ارب روپے رہے گی ۔ بجٹ کی خفیہ دستاویزات سب سے پہلے دنیا نیوز پر ۔ دنیا نیوز کو موصول بجٹ دستاویزات کے مطابق دفاع کیلئے 900 ارب ، قرضوں اور سود کی ادائیگی کیلئے 1600 ارب رکھے گئے ہیں ۔ بجٹ میں ٹیکس سے 3620 ارب اور دیگر ذرائع سے 950 ارب روپے آمدن کا تخمینہ لگایا گیا ہے ۔ بجٹ خسارہ بے قابو ہوکر 1250 ارب روپے سے زائد رہے گا ۔ نئے مالی سال میں عوام کی سبسڈی کیلئے رقم میں کوئی اضافہ تجویز نہیں کیا گیا اور کے بجٹ میں اس کیلئے 169 ارب روپے ہی رکھے گئے ہیں ۔ بے نظیر انکم سپورٹ پروگرام کے لیے 107 ارب اور تنخواہوں و پنشن کیلئے 615 ارب روپے رکھے گئے ہیں

 

Thunderstorms

27°C

اسلام آباد

Thunderstorms
Humidity: 78%
Wind: W at 11.27 km/h
Monday 23°C / 28°C Thunderstorms
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms
Saturday 21°C / 27°C Thunderstorms
Sunday 23°C / 28°C Sunny

تازہ ترین خبریں

کالم / بلاگ