ہیڈلائنز


ریڈزون میں ’نیا پاکستان‘ بن گیا، خیمہ بستیاں قائم

Written by | روزنامہ بشارت

اسلام آباد (ویب ڈیسک) وفاقی دارالحکومت کے ریڈ زون میں پارلیمنٹ ہاﺅس اور ایوان صدر کے سامنے شاہراہ دستور پر انقلابیوں اور نئے پاکستان کیلئے آنے والوں کی آباد خیمہ بستی ایک گاﺅں کی شکل اختیار کرگئی ہے ،سرکاری کھمبوں سے بجلی کے کنکشن لئے گئے ہیں اور زیر زمین سرکاری پائپ کو کھول کر پانی لیا جارہا ہے۔ وفاقی دارلحکومت کے حساس علاقے میں رفع حاجت کیلئے

کھلے عام گرین ایریا استعمال کیا جارہاہے ، ریڈی میڈ کپڑوں اور جوتوں کی فروخت کیلئے سٹال کھل گئے ہیں، فروٹ کی ریڑھیاں، بھٹے، چنے فروش اور قلفی والے موجود ہیں۔ میلے کے سے سماں میں سگریٹ، پان، چائے اور ایزی لوڈ سب کچھ دستیاب ہے ۔بات یہیں تک محدود نہیں بلکہ ’آزادی ‘ والوں کے لیے حجاموں نے ہیئر کٹنگ سیلون اور خواتین کے بناﺅ سنگھار کیلئے بیوٹی پارلر بھی کھل گئے ہیں ۔کیبنٹ ڈویژن کے سامنے اوپن باتھ اور سن باتھ کا بھی بندوبست ہے جبکہ شاہراہ دستور پر خواتین کے واشنگ کارنرز بھی بنے ہوئے ہیں۔ انقلاب ہوٹل بھی کھل گیا ہے جہاں سیاست پر گفتگو کی کوئی پابندی نہیں، خیمہ بستی میں فائر پروف اور واٹر پروف ٹینٹ بھی آگئے ہیں ان میں بعض ٹینٹ چین اور یورپی ممالک سے ملنے والی امدادی سامان کا حصہ بتائے جاتے ہیں خیمہ بستی میں نہ صرف طبی کیمپ موجود ہیں بلکہ ہڈی جوڑ کے معالج بھی پہنچ گئے ہیں نوجوانوں نے شاہراہ دستور کو کرکٹ گراﺅنڈ بنادیا ہے جبکہ ادھیڑ عمر لوگ تاش اور لڈو کھیل کر یا مطالعہ میں مصروف رہ کر وقت گزارتے ہیں۔ خیمہ بستی میں پیدل آنے والوں کو جامہ تلاشی کے بعد داخل ہونے کی اجازت دی جاتی ہے جبکہ گاڑیوں میں آنے والوں کی تلاشی یا چیکنگ کا کوئی انتظام نظر نہیں آتا خیمہ بستی میں ایک موٹر مکینک نے بھی اپنے روزگار کا انتظام کرلیا ہے جہاں موٹرسائیکل کی مرمت کی سہولت فراہم کی جاتی ہے۔

Partly cloudy

28°C

اسلام آباد

Partly cloudy
Humidity: 73%
Wind: WNW at 11.27 km/h
Wednesday 23°C / 28°C Thunderstorms
Thursday 23°C / 28°C Thunderstorms
Friday 22°C / 26°C Thunderstorms
Saturday 21°C / 27°C Thunderstorms
Sunday 22°C / 29°C Thunderstorms
Monday 23°C / 29°C Sunny
Tuesday 23°C / 29°C Sunny

تازہ ترین خبریں

کالم / بلاگ