ہیڈلائنز


لندن میں وزیراعظم نواز شریف کی منگل کو اوپن ہارٹ سرجری ہوگی

Written by | روزنامہ بشارت

لندن: وزیراعظم نوازشریف کی منگل کو اوپن ہارٹ سرجری ہوگی جس کے بعد انہیں ایک ہفتے تک اسپتال میں قیام کرنا ہوگا اور وطن واپسی کا فیصلہ ڈاکٹرز کی ہدایت پر کریں گے۔ تفصیلات کے مطابق وزیراعظم نواز شریف ان دنوں علاج کی غرض سے لندن میں موجود ہیں جہاں ڈاکٹروں نے انہیں آپریشن کا مشورہ دیا ہے۔ ابتدائی طور پر ڈاکٹروں کا خیال تھا کہ وزیراعظم نوازشریف کی انجیوپلاسٹی ہوگی تاہم نواز شریف کی دل کی شریانوں کی صحیح صورتحال جاننے کےلیے انجیو گرام کیا گیا اور مزید ٹیسٹ معائنوں اور اسکینز کے بعد نواز شریف کی اوپن ہارٹ سرجری کا فیصلہ کیا گیا جو منگل کے روز کی جائے گی۔ ذرائع کےمطابق ڈاکٹروں نے وزیراعظم کے کئی ٹیسٹ مکمل کرلیے جب کہ اوپن ہارٹ سرجری کے بعد وزیراعظم نواز شریف کو ایک ہفتے اسپتال میں قیام کرنا ہوگا۔ وزیراعظم نواز شریف کو آج وطن واپس آنا تھا تاہم ڈاکٹروں کی جانب سے آپریشن کا مشورہ دیے جانے کے بعد اب وزیراعظم وطن واپسی کا فیصلہ ڈاکٹرز کی ہدایت پر ہی کریں گے۔

Mostly clear

10°C

اسلام آباد

Mostly clear
Humidity: 72%
Wind: NNW at 11.27 km/h
Sunday 10°C / 18°C Sunny
Monday 10°C / 19°C Sunny
Tuesday 10°C / 18°C Sunny
Wednesday 9°C / 17°C Mostly sunny
Thursday 11°C / 17°C Mostly cloudy
Friday 12°C / 18°C Partly cloudy
Saturday 12°C / 17°C Partly cloudy

تازہ ترین خبریں

کالم / بلاگ