ہیڈلائنز


ایان علی کیخلاف کرنسی اسمگلنگ کیس کی سماعت غیر معینہ مدت کیلئے ملتوی

Written by | روزنامہ بشارت

راولپنڈی: کسٹم عدالت نے ماڈل ایان علی کے خلاف کرنسی اسمگلنگ کیس کی سماعت غیر معینہ مدت کے لیے ملتوی کردی۔ راولپنڈی کی کسٹم عدالت کے جج رانا آفتاب احمد خان نے ماڈل ایان علی کے خلاف کرنسی اسمگلنگ کیس کی سماعت کی۔ سماعت کے دوران ایان علی کی عدم حاضری پر ان کے وکیل لطیف کھوسہ نے اپنی موکلہ کو ایک دن کے لیے استثنیٰ کی دینےکی درخواست کی، ایان علی کے وکلا کی جانب سے میڈیکل سرٹیفیکیٹ پیش نہ کیے جانے پر عدالت نے برہمی کا اظہار کیا، جس پر لطیف کھوسہ نے کہا کہ ایان علی بیماری کے باعث عدالت میں پیش نہیں ہوسکتیں تاہم انہوں نے میڈیکل سرٹیفیکیٹ واٹس ایپ کیا ہے۔ بعد ازاں عدالت نے کیس کی سماعت غیر معینہ مدت کے لیے ملتوی کرتے ہوئے قرار دیا کہ ملزمہ کی جانب سے لاہور ہائی کورٹ میں بریت کی درخواست زیر سماعت ہے۔ کیس کا تمام ریکارڈ عدالت عالیہ میں ہے، اس لئے مقدمے کی سماعت نہیں ہوسکتی، اب آئندہ سماعت لاہور ہائی کورٹ سے کیس کا ریکارڈ واپس آنے پر ہی ہوگی۔ واضح رہےکہ گزشتہ برس ایان علی راولپنڈی ایئرپورٹ پر کروڑوں روپے مالیت کی غیر ملکی کرنسی دبئی لے جاتے ہوئے رنگے ہاتھوں پکڑی گئی تھیں۔

Mostly cloudy

10°C

اسلام آباد

Mostly cloudy
Humidity: 57%
Wind: NNW at 11.27 km/h
Friday 10°C / 19°C Mostly sunny
Saturday 11°C / 20°C Mostly sunny
Sunday 11°C / 20°C Mostly sunny
Monday 11°C / 19°C Sunny
Tuesday 11°C / 17°C Sunny
Wednesday 11°C / 18°C Mostly sunny
Thursday 11°C / 17°C Mostly sunny

تازہ ترین خبریں

کالم / بلاگ