ہیڈلائنز


شریف خاندان کا قومی خزانے سے 43 کروڑ روپے ذاتی گھرپرلگانا شرمناک عمل ہے، عمران خان

Written by | روزنامہ بشارت

اسلام آباد: تحریک انصاف کے چئیرمین عمران خان کا کہنا ہے کہ وزیر اعظم نواز شریف کا سارک کانفرنس کے نام پر مری میں ذاتی گھر پر 43 کروڑ روپے مختص کرنا شرمناک عمل ہے۔ سماجی رابطے کی ویب سائٹ ٹویٹر پر اپنے پیغام میں عمران خان کا کہنا تھا کہ عوام بھوکے مر رہے ہیں اور شریف برادران عوام کا پیسہ اپنے محلوں پر لگارہے ہیں،چیئرمین تحریک انصاف کا کہنا تھا کہ شریف خاندان پہلی مرتبہ قوم کا پیسہ اپنے ذاتی استعمال میں نہیں لائے بلکہ انہوں نے قوم کا پیسہ ہمیشہ اپنے ذاتی مقاصد کےلئے استعمال کیا، رائیونڈ روڈ پر لگائے گئے 11 ارب روپے کا کیس اب بھی قومی احتساب بیورو کے پاس موجود ہے، یہی وجہ ہے کہ حکمرانوں کی شاہ خرچیوں کے باعث عوام ٹیکس دینے میں ہچکچاہٹ کا شکار ہیں۔ سارک کانفرنس کے نام پر مری میں اپنے گھر کی تزئین و آرائش کے لئے 43 کروڑ روپے قومی خزانے سے منظور کرانا شرمناک عمل ہے۔  چیئرمین تحریک انصاف نے کراچی میں سماجی کارکن خرم ذکی کے قتل کی مذمت کرتے ہوئے کہا کہ خرم ذکی کا قتل حکومت کی نااہلی کا منہ بولتا ثبوت ہے۔

Clear

14°C

اسلام آباد

Clear
Humidity: 42%
Wind: W at 6.44 km/h
Friday 11°C / 20°C Partly cloudy
Saturday 11°C / 21°C Mostly sunny
Sunday 12°C / 21°C Mostly sunny
Monday 11°C / 19°C Mostly sunny
Tuesday 12°C / 18°C Sunny
Wednesday 13°C / 17°C Sunny
Thursday 13°C / 16°C Sunny

تازہ ترین خبریں

کالم / بلاگ