ہیڈلائنز


چیف جسٹس سے چیئرمین نیب کی ملاقات، نیب کارکردگی کی سالانہ رپورٹ پیش

Written by | روزنامہ بشارت

اسلام آباد: چیف جسٹس آف پاکستان سے چیئرمین نیب نے ملاقات کی جس میں انہوں نے ادارے کی سالانہ کارکردگی کی رپورٹ پیش کی۔ تفصیلات کے مطابق چیئرمین نیب قمر زمان چوہدری چیف جسٹس پاکستان جسٹس انور ظہیر جمالی سے ملاقات کے لیے سپریم کورٹ پہنچے جہاں انہوں نے چیف جسٹس سے ان کے چیمبر میں ملاقات کی اور اس دوران ادارے کی سالانہ کارکردگی کی رپورٹ بھی پیش کی۔ چیف جسٹس کو پیش کی جانے والی رپورٹ میں بتایا گیا ہےکہ ٹرانسپرنسی انٹرنیشنل کےمطابق پاکستان کاپرسیپشن انڈیکس 126 سے کم ہوکر 117 پر آگیا ہے، 2015 میں نیب نے 90 فیصد سے زائد انکوائریاں مکمل کیں، احتساب عدالتوں میں 397 ریفرنس دائر کیے گئے۔ چیف جسٹس سے ملاقات کے دوران چیئرمین نیب نے بتایا کہ قومی احتساب  بیورو اپنے قیام سےاب تک بدعنوان عناصر سے 274 ارب روپے واپس لے کر قومی خزانےمیں جمع کروا چکا ہے۔ چیف جسٹس سے ملاقات کے بعد سپریم کورٹ کے باہر میڈیا کے نمائندوں سے چیئرمین نیب سے کرپشن کے ہائی پروفائل مقدمات کی انکوائری پر سوال کیا تو انہوں نے جواب دینے سے گریز کیا۔

Cloudy

21°C

اسلام آباد

Cloudy
Humidity: 41%
Wind: WNW at 11.27 km/h
Saturday 11°C / 14°C Scattered showers
Sunday 11°C / 18°C Partly cloudy
Monday 13°C / 20°C Cloudy
Tuesday 14°C / 22°C Mostly cloudy
Wednesday 15°C / 21°C Partly cloudy
Thursday 13°C / 20°C Cloudy
Friday 13°C / 16°C Scattered showers

تازہ ترین خبریں

کالم / بلاگ