ہیڈلائنز


اسلام آباد، خاتون نے مبینہ طورپر مسلسل بلیک میلنگ سے تنگ آکر سابقہ خاوند کا نازک عضو کاٹ ڈالا : مقدمہ درج، لڑکی گرفتار

Written by | روزنامہ بشارت

اسلام آباد: فیس بک پر دوستی کے بعد کورٹ میرج اور پھرطلاق لینے والی لڑکی نے مبینہ طور پر مسلسل بلیک میلنگ سے تنگ آکراپنے سابقہ خاوندکودھوکے سے بلیوایریا میں واقع ہوٹل پر بلواکرتیزدھارآلے سے نازک عضو کاٹ ڈالا۔پولیس نے مضروب نوجوان کو تشویشناک حالت میں پمزہسپتال میں داخل کرادیاہے جبکہ لڑکی اوراس کے والد کے خلاف مقدمہ درج کرنے بعد لڑکی کو گرفتارکرلیاہے۔معلوم ہواہے کہ گلی نمبر42سیکٹرجی سیون ٹو کے رہائشی سابق ڈائریکٹراسٹیبلشمنٹ وزارت ریلوے محمدیامین کی صاحبزادی مسماة ”ن“ جمال کی تین سال قبل فیس بک پرمحلہ گوبندگڑھ گوجرانوالہ سے تعلق رکھنے والے نوجوان محمدبن زاہدعرف مومی سے دوستی ہوئی۔بعدازاں یہ دوستی والدین کی مرضی کے بغیرکورٹ میرج پر پہنچی اوردوشیزہ اپنے خاوند کے ہمراہ گوجرانوالہ چلی گئی۔جہاں مبینہ طورپر اسے ذہنی اورجسمانی زیادتی کانشانہ بنایاگیاجس پریہ شادی ناکام ہوگئی اورچند ہی ماہ بعد طلاق لے کردوشیزہ واپس والدین کے پاس اسلام آبادچلی آئی اور اس نے روزن نامی این جی اومیں ملازمت اختیارکرلی۔تاہم اس دوران مبینہ طورپر سابقہ خاوند نے فون پر اس کے ساتھ مسلسل رابطہ رکھااوراسے یہ کہتے ہوئے کہ اس کی غیراخلاقی ویڈیوموجودہے بلیک میل کرناشروع کیا۔جس پردوشیزہ نے اسے مزہ چکانے کا فیصلہ کیا۔تھانہ کوہسارمیں درج مقدمہ نمبر149بجرم 336/109کے مطابق اٹھارہ اپریل2016ء کودوشیزہ نے سابقہ خاوند کو دھوکے سے بلیوایریا میں واقع سٹی ہوٹل کے کمرہ نمبر302میں بلایا۔نوجوان گوجرانوالہ سے دن گیارہ بجے مذکورہ ہوٹل میں پہنچااوردن تقریباً دوبجے تھکاوٹ کی وجہ سے کمرہ میں سوگیا۔اس دوران دوشیزہ نے تیزدھارچھری سے حملہ کرکے نازک عضو کو کاٹ دیا۔معلوم ہواہے کہ پولیس تھانہ کوہسار نے دوشیزہ کو گھرسے گرفتارکرلیاہے۔مضروب نوجوان کو تشویشناک حالت میں پمزہسپتال کے سرجیکل ون میں داخل کرادیاگیاہے۔


Read Basharat Online

 

 

PentaBuilders

روزنامہ بشارت ٹویٹر


Follow Daily_Basharat on Twitter
Partly cloudy

34°C

اسلام آباد

Partly cloudy
Humidity: 26%
Wind: WSW at 11.27 km/h
Wednesday 23°C / 33°C Mostly sunny
Thursday 28°C / 36°C Sunny
Friday 28°C / 38°C Sunny
Saturday 26°C / 40°C Sunny
Sunday 27°C / 39°C Mostly sunny
Monday 27°C / 36°C Sunny
Tuesday 25°C / 34°C Mostly sunny

تازہ ترین خبریں

کالم / بلاگ