ہیڈلائنز


پاک بحریہ نے ساحل سے بحری جنگی بحری جہازوں کو ہدف بنانے والے میزائل “ضرب” کی لانچنگ کا کامیاب تجربہ

Written by | روزنامہ بشارت

یہ نیا میزائل سسٹم پاکستان نیوی کی حربی صلاحیتوں میں اضافے کی کاوشوں کا حصہ ہے،نیول چیف

 اسلام آباد: پاک بحریہ نے ساحل سے بحری جنگی بحری جہازوں کو ہدف بنانے والے میزائل “ضرب” کی لانچنگ کا کامیاب تجربہ کیا ہے۔

ترجمان پاک بحریہ کے جاری کردہ بیان کے مطابق پاکستان نیوی کی جانب سے ساحل سے بحری جنگی جہازوں کو نشان بنانے والے میزائل کو ساحلی علاقے سے داغا گیا اوراس نے سمندرمیں موجود اپنے ہدف کوکامیابی کے ساتھ نشانہ بنایا، ’’ضرب‘‘ میزائل پاک بحریہ میں بھی شامل کرلیا گیا ہے۔

میزائل کے تجربے کے دوران پاک بحریہ کے سربراہ ایڈمرل ذکا اللہ اورڈپٹی چیف آف نیول اسٹاف آپریشنزسمیت دیگر اعلیٰ عسکری افسران بھی موجود تھے ، ایڈمرل ذکا اللہ اورڈپٹی چیف آف نیول اسٹاف آپریشنز نے ’’ضرب‘‘ کے کامیاب تجربے پر اس کی تیاری میں شامل ماہرین اور دیگر عملے کی کی کوششوں کو سراہا۔

ایڈمرل ذکا اللہ نے کہا کہ پاک بحریہ میں شامل کیا جانے والا یہ نیا میزائل سسٹم ہماری حربی صلاحیتوں میں اضافے کی کاوشوں کا حصہ ہے۔ اس کا کامیاب تجربہ اور ملک کی سمندری حدود کے دفاع کو مزید مضبوط بنانے کے لیے اہم قدم اور ہماری حربی تیاریوں کی سند پر مہر ہے۔

Thunderstorms

25°C

اسلام آباد

Thunderstorms
Humidity: 93%
Wind: E at 11.27 km/h
Monday 23°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 27°C Thunderstorms
Friday 22°C / 26°C Thunderstorms
Saturday 20°C / 26°C Thunderstorms
Sunday 22°C / 27°C Thunderstorms

تازہ ترین خبریں

کالم / بلاگ