ہیڈلائنز


عمران خان کا اتوار کو قوم سے خطاب کا فیصلہ

Written by | روزنامہ بشارت

اسلام آباد: پاکستان تحریک انصاف کے چیئرمین عمران خان نے پانا ما لیکس معاملے پر اتوار کے روز قوم سے خطاب کرنے کا فیصلہ کر لیا اور اس مقصد کیلئے پی ٹی وی کو مراسلہ بھی ارسال کر دیا گیا ہے جس میں کہا گیا ہے کہ عمران خان کا خطاب سرکاری ٹی وی سے نشر کیا جائے۔

پی ٹی آئی ذرائع کے مطابق عمران خان اتوار کی شام 6بجے قوم سے خطاب کریں گے اور اس سلسلے میں پی ٹی وی کو مراسلہ ارسال کر دیا گیا ہے جس میں کہا گیا ہے کہ حکومتی وزراءنے پانا ما لیکس پر قوم کو گمراہ کیاتاہم عمران خان اس معاملے پر قوم سے خطاب کریں گے اور قوم کو حقائق سے آگاہ کریں گے۔

مراسلے میں کہا گیا ہے کہ سرکاری ٹی وی پر اپوزیشن کا بھی اتبا ہی حق ہے جتنا حکومت کا, سرکاری ٹی وی ایک قومی اثاثہ ہے ۔ مراسلے میں یہ بھی کہا گیا ہے کہ شوکت خانم کے معاملے پر سرکاری ٹی وی کے زریعے کھلا جھوٹ پھیلایا گیا۔

یہاں یہ امر قابل زکر ہے کہ اس سے قبل پاکستان تحریک انصاف کے رہنمائوں نے پریس انفارمیشن ڈیپارٹمنٹ (پی آئی ڈی ) میں پریس کانفرنس کی تھی جبکہ پی آئی ڈی میں صرف حکومتی وزرا کوہی پریس کانفرنس کرنے کی اجازت ہوتی ہے اور اب عمران خان نے سرکاری ٹی وی پر قوم سے خطاب کرنے کا فیصلہ کیا ہے ۔

پی ٹی وی سرکاری ٹی وی ہونے کی وجہ سے قومی یا سینٹ میں اپوزیشن لیڈر یا اپوزیشن ارکان کی تقریر تو نشر کر سکتا ہے مگر کسی اپوزیشن رہنما کوسرکاری ٹی وی پر آ کر قوم سے خطاب کرنے کی اجازت نہیں ہوتی۔ ذرائع کا کہنا ہے کہ عمران خان نہ تو اپوزیشن لیڈر ہیں اور نہ ہی حکومتی وزیر اور اگر انکا خطاب پی ٹی وی پر نشر کیا جاتا ہے تو یہ واقعہ پاکستان کی تاریخ کا غیر معمولی واقع ہو گا۔

Thunderstorms

23°C

اسلام آباد

Thunderstorms
Humidity: 92%
Wind: ENE at 17.70 km/h
Monday 23°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 27°C Thunderstorms
Friday 22°C / 26°C Thunderstorms
Saturday 20°C / 26°C Thunderstorms
Sunday 22°C / 27°C Thunderstorms

تازہ ترین خبریں

کالم / بلاگ