ہیڈلائنز


حسین نواز کے پاس حق حلال کی کمائی ہےجبکہ عمران خان نے چندے اور زکوٰۃ سے جائیدادخریدی:پرویز رشید

Written by | روزنامہ بشارت

اسلام آباد(مانیٹرنگ ڈیسک)وفاقی وزیر اطلاعات پرویز رشید نے کہاہے کہ وزیراعظم نوازشریف کے بیٹے حسین نواز کے پاس حق حلال کی کمائی ہے ،عمران خان نے چندے اور ذکوة کے پیسوں سے بیرون ملک جائیدادیں خریدیں ۔
پریس کانفرنس سے خطاب کرتے ہوئے پرویز رشید کا کہناتھا کہ وزیراعظم نوازشریف کے بیٹوں کو بیرون ملک گئے ہوئے 20سے 22سال ہو گئے ہیں ان کا کاروبار لندن میں ہے اور انہوں نے پیسہ حق حلا ل سے کمایا ہے ۔انہوں نے کہا کہ پاناما لیکس میں کسی بھی کمپنی کے بارے میں نہیں کہا گیا کہ وہ غیر قانونی ہے ،حسین نواز پہلے ہی اپنے اثاثے تسلیم کر چکے ہیں ۔ان کا کہناتھا کہ عمران خان نے یوکے میں ایک مقدمہ کیا تھا لیکن شہادتیں نہ ہونے کی وجہ سے چھوڑ دیا گیا ۔پرویز رشید نے عمران خان کا پیشکش کرتے ہوئے کہا کہ نوازشریف کے بیٹوں کی جائیدادیں لندن میں ہیں ،عمران خان لندن جائیں اور برطانیہ کی عدالت میں مقدمہ دائر کریں اگر عمران خان وہاں سے اپنی عزت بچا کر پاکستان میں آتے ہیں تو ہم ان کے تمام اخراجات ادا کریں گے یہاں تک کہ ان کے ذاتی اخراجات بھی ادا کریں گے ۔
پرویز رشید کا کہناتھاکہ حالانکہ ہوسکتاہے کہ عمران خان کے کچھ ذاتی اخراجات ادا کرنے پر اللہ کی پکڑ ہو جائے لیکن وہ یہ سزا بھی بھگت لیں گے ۔انہوں نے کہا کہ حسین نواز کے پاس حق حلال کی کمائی ہے ،عمران خان نے چندے اور ذکوة کے پیسوں سے بیرون ملک جائیدادیں خریدی ہیں ۔

Thunderstorms

23°C

اسلام آباد

Thunderstorms
Humidity: 92%
Wind: ENE at 17.70 km/h
Monday 23°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 27°C Thunderstorms
Friday 22°C / 26°C Thunderstorms
Saturday 20°C / 26°C Thunderstorms
Sunday 22°C / 27°C Thunderstorms

تازہ ترین خبریں

کالم / بلاگ