ہیڈلائنز


برادر اسلامی ملک ایران پاکستان مخالف سرگرمیوں میں ملوث نہیں، چوہدری نثار

Written by | روزنامہ بشارت

اسلام آباد۔ وفاقی وزیر داخلہ چوہدری نثار علی خان نے کہا ہے کہ ایرانی صدر حسن روحانی کا دورہ پاکستان بہت اچھا اور کامیاب رہا، گذشتہ روز ایرانی سفیر سے ملاقات ہوئی، جس میں انہوں نے پاکستانی میڈیا کے کردار پر اپنی تشویش سے آگاہ کیا۔ ایرانی سفیر نے کہا کہ ایران کا مذاق اڑایا جا رہا ہے اس پر ہمیں تشویش ہے۔ چوہدری نثار کا کہنا تھا کہ انہوں نے ایرانی سفیر کو کہا کہ ہمارا میڈیا آزاد ہے جو فقط آرمی کو نہیں چھیٹرتا باقی سب کو لتاڑتا ہے، حتی ناکردہ گناہ بھی حکومت کے گلے ڈال دیتا ہے۔ وزیر داخلہ نے واضح کیاکہ یہ بات غلط ہے کہ ایران سہولت کار کا کردار ادا کر رہا ہے یا پاکستان مخالف منفی سرگرمیوں میں ملوث ہے، کلبھوشن کا مسئلہ بھارت سے ہے ایران سے نہیں۔ وزیر داخلہ نے کہا کہ ایران اور پاکستان کے تعلقات حساس ہیں، کچھ عناصر مغربی مفادات کی خاطر دونوں ملکوں کے درمیان تعلقات خراب کرنا چاہتے ہیں۔ وزیر داخلہ نے کہا کہ ایرانی سفیر نے کہا کہ پاکستان برادر اسلامی ملک ہے اور اس بات کی ہم بھی تائید کرتے ہیں کہ ایران نے ہر مشکل وقت میں پاکستان کا ساتھ دیا ہے۔ چوہدری نثار نے کہا کہ ایرانی صدر نے پاکستان کی سلامتی کو ایران کی سلامتی کہا ہے، اس سے بڑھ کر وہ کیا کہہ سکتے ہیں، میڈیا سے درخواست کرتا ہوں کہ وہ ایسی خبروں سے اجتاب کرے جس سے دو برادر ممالک کے تعلقات متاثر ہوں۔ پاکستان کے عوام ایران سے محبت کرتے ہیں اور تعلقات کو اہمیت دیتے ہیں، بعض ممالک چاہتے ہیں کہ پاکستان اور ایران کے تعلقات خراب ہوں لیکن ایسا نہیں ہونے دیں گے۔

Sunny

30°C

اسلام آباد

Sunny
Humidity: 43%
Wind: WNW at 17.70 km/h
Sunday 24°C / 30°C Scattered thunderstorms
Monday 24°C / 30°C Sunny
Tuesday 23°C / 30°C Sunny
Wednesday 25°C / 31°C Sunny
Thursday 24°C / 31°C Sunny
Friday 26°C / 30°C Thunderstorms
Saturday 25°C / 31°C Sunny

تازہ ترین خبریں

کالم / بلاگ