ہیڈلائنز


پاکستان کا دشمن صرف بھارت ہے، نیشنل کمانڈ اتھارٹی

Written by | روزنامہ بشارت

اسلام آباد: نیشنل کمانڈ اتھارٹی کے مشیر لیفٹیننٹ جنرل رٹائرڈ خالد قدوائی نے کہا ہے کہ پاکستان اوربھارت کے درمیان جنگ کے امکانات نہ ہونے کے برابر ہیں کیونکہ دونوںممالک کے پاس جوہری ہتھیارموجود ہیں۔ انسٹی ٹیوٹ آف اسٹرٹیجک اسٹڈیزمیں جوہری سیکیورٹی کیلیے پاکستان کاکردارکے موضوع پرکانفرنس سے خطاب کرتے ہوئے انھوں نے کہاکہ پاکستان کادشمن صرف بھارت ہے اورہماراجوہری پروگرام بھارتی جارحیت سے نمٹنے کے لیے ہے، جوہری ہتھیاروںکی موجودگی کے باعث دونوںممالک کے درمیان جنگ کاامکان بہت کم ہے، جنگ پاکستان اور بھارت کے درمیان موجودتنازعات کوحل کرنے کا آپشن نہیں لہٰذا سفارتی اورسیاسی حکمت عملی کوترجیح دی جانی چاہیے۔ انھوں نے ہاورڈکینیڈی اسکول کی حالیہ رپورٹ کوبے بنیادقراردیااور واضح کیاکہ کوئی بھی پاکستان کے جوہری ہتھیاروں کوچوری نہیں کرسکتا۔ نیشنل کمانڈ اتھارٹی کے مشیرنے کہاکہ پاکستان نے اپنے جوہری ہتھیاروں کے تحفظ کیلیے مضبوط کمانڈاینڈ کنٹرول سسٹم تشکیل دیاہے، پاکستان اپنے میزائل اور جوہری پروگرام پرمعذرت خواہ نہیں اوراسے کسی صورت ختم نہیں کیاجائے گا، ملکی دفاع کے لیے جوہری پروگرام کوجاری رکھاجائے گا۔ بھارت کے نیوکلیئرسپلائرزگروپ (این ایس جی) تک رسائی پرشدیدتحفظات کااظہارکرتے ہوئے انھوں نے کہاکہ پاکستان کے دوست این ایس جی میں موجود ہیں اوراپنے اسٹرٹیجک مفادات کے تحفظ کے لیے سفارتی سطح پرتمام اقدام کیے جائیں گے۔

Mostly clear

10°C

اسلام آباد

Mostly clear
Humidity: 72%
Wind: NNW at 11.27 km/h
Sunday 10°C / 18°C Sunny
Monday 10°C / 19°C Sunny
Tuesday 10°C / 18°C Sunny
Wednesday 9°C / 17°C Mostly sunny
Thursday 11°C / 17°C Mostly cloudy
Friday 12°C / 18°C Partly cloudy
Saturday 12°C / 17°C Partly cloudy

تازہ ترین خبریں

کالم / بلاگ