ہیڈلائنز

Reporter FK

Write on جمعرات, 22 فروری 2018

اسلام آباد: الیکشن کمیشن نے راجا ظفر الحق کی طرف سے جاری کردہ تمام ٹکٹ مسترد کرتے ہوئے ن لیگ کے امیدواروں کو آزاد قرار دے دیا.
الیکشن کمیشن کا موقف ہے کہ سینیٹ کے شیڈ ول میں تبدیلی نہیں لائی جاسکتی۔ اس فیصلے کے ساتھ پی پی 30 سرگودھا میں بھی ن لیگ کے امیدواروں کو آزاد قرار دے دیا ہے.
یاد رہے کہ میاں‌ نواز شریف کی نااہلی کے بعد ان کے بہ حیثیت پارٹی سربراہ تمام فیصلے کالعدم قرار پائے تھے، جس کی زد میں‌ سینیٹ کے لیے جاری کردہ ٹکٹس بھی آئے.
اس بحران سے نکلنے کے لیے ن لیگ نے ایک تکنیکی راستہ اختیار کیا اور پارٹی کے سینئر رہنما اور چیئرمین راجا ظفر الحق نے سینیٹ کے ٹکٹ جاری کرتے ہوئے یہ موقف اختیار کیا کہ وہ بہ طور چیئرمین ٹکٹ جاری کرنے کا اختیار رکھتے ہیں.
البتہ الیکشن کمیشن نے ان ٹکٹوں‌ کو مسترد کرتے ہوئے تمام امیدواروں‌ کو آزاد قرار دے دیا. الیکشن کیمشن کا موقف ہے کہ اب سینیٹ کے شیڈول میں کسی قسم کی تبدیلی نہیں لائی جاسکتی، راجا ظفر الحق بہ طور پارٹی چیئرمین ٹکٹ جاری کرنے کا اختیار نہیں‌ رکھتے.
خیال رہے کہ گذشتہ روز سپریم کورٹ نے انتخابی اصلاحات 2017 کیس کا فیصلہ سناتے ہوئے کہا تھا کہ آئین کی دفعہ 62،63 پر پورا نہ اترنے والا نا اہل شخص کسی سیاسی جماعت کی صدارت نہیں‌ کرسکتا

Write on جمعرات, 22 فروری 2018

لاہور : ن لیگ کے رہنما سعد رفیق نے عمران خان کو چیلنج کیا کہ مجھے غلط ثابت کرو یا جھوٹ بولنے کاعتراف کرو اور کہا کہ عمران خان کی پی ٹی آئی نے تبدیلی کے حق میں ووٹ ڈالا، بے شرم عمران خان کتنا جھوٹ بولو گے۔
وفاقی وزیر ریلوے سعد رفیق ے سماجی رابطے کی ویب سائٹ ٹوئٹر پر اپنے عمران خان سے سوال کیا کہ عمران جواب دو تمھاری جماعت نے حافظ حمد ا للہ کی نشاندھی کے باوجود تبدیلی کے حق میں ووٹ کیوں دیا؟ سینٹ کا ریکارڈ گواہ ہے کہ نشاندہی کے بعد جے یو آئی ئی اور مسلم لیگ ن نے تبدیلی کے خلاف جبکہ پی ٹی آئی اور پی پی پی نے تبدیلی کے حق میں ووٹ دیا۔
سعد رفیق کا کہنا تھا کہ عمران خان کو چیلنج ہےمجھے غلط ثابت کرو یاجھوٹ بولنےکاعتراف کرو، جےیوآئی ،ن لیگ نے ختم نبوت حلف نامے میں تبدیلی کےخلاف ووٹ دیا۔
ایک اور ٹوئٹ میں انھوں نے کہا کہ عمران خان کی پی ٹی آئی نے ختم نبوت حلف نامے میں تبدیلی کے حق میں ووٹ ڈالا ، بے شرم عمران خان کتنا جھوٹ بولو گے؟

Write on جمعرات, 22 فروری 2018

اسلام آباد : سابق وزیراعظم نواز شریف کی صاحبزادی مریم نواز کا کہنا ہے کہ میں بھی نواز ہوں ،ہر محب وطن پاکستانی یہی کہے گا۔
تفصیلات کے مطابق نااہل وزیر اعظم نواز شریف کی بیٹی مریم نواز نے سماجی رابطے کی ویب سائٹ ٹوئٹر پر ایک ویڈیو شیئر کرتے ہوئے اپنے پیغام میں کہا میں بھی نواز ہوں ،ہر محب وطن پاکستانی یہی کہے گا۔
مریم نواز کا کہنا تھا کہ 2018 کا الیکشن انشاءالّلہ آپ ہی جیتیں گے۔
یاد رہے اس سے قبل بھی ناہل وزیر اعظم کی بیٹی کا کہنا تھا کہ شیرو۔ گبھرانا نہیں! یہ زیادتیاں نواز شریف/مسلم لیگ ن کو اور اوپر لے کر جائیں گی انشاءالّلہ۔ یاد رکھنا، ظلم جب حد سے بڑھتا ہے تو مٹ جاتا ہے!
مریم نواز نے ایک اور ٹوئٹ میں سوال کیا تھا کہ کیا اس فیصلے کے بعد پارٹی نواز شریف کولیڈرمانناچھوڑدےگی؟ فیصلے نےنواز شریف کے بیانیے کو تقویت دینے کے سوا کچھ نہیں کیا، عقلمندوں کی عقل پر حیرانی ہے، اس کو کبوتر کی طرح آنکھیں بند کرنا کہوں یا خود کو دھوکہ دینا ؟

Write on جمعرات, 22 فروری 2018

اینکر پرسن زینب عباس کا کہنا ہے کہ پی ایس ایل کا سہرا کس کے سجے گا اس بات کے بارے میں کچھ بھی کہنا قبل ازوقت ہوگا تاہم میر ی خواہش ہو گی لاہور قلندرز ہی جیتے۔
نجی اخبارکو دئیے گئے خصوصی انٹرویو میں زینب عباس کا کہنا تھاکہ لاہور قلندرز کے سرپرجیت کا سہرا دیکھنے کی خواہش ہے کیونکہ لاہور میرا آبائی شہر ہے، لیکن یونٹ میں جو بھی ٹیم اس دن اچھا کھیل پیش کرے گی وہ جیتے گی لیکن میری خواہش ہے کہ فائنل میں لاہور قلندرز اور کراچی کنگز مدمقابل ہوں۔یونٹ میں چھٹے نمبر کونسی ٹیم رہے گی اس حوالے سے پوچھے گئے سوال کا ان کا کہنا تھا کہ میں اس بارے میں کوئی پیش گوئی نہیں کرنا چاہتی، اس بارے میں کچھ بھی کہنا بہت مشکل ہے۔زینب عباس کہتی ہیں کہ یونٹ میں فخر زمان زیادہ رنز بنانے میں کامیاب ہو جائیں گے کیونکہ وہ ایک عرصے سے بہترین فارم میں ہیں،جبکہ شاداب خان خطرناک باولر ثابت ہوسکتے ہیں ۔

Write on جمعرات, 22 فروری 2018

پشاور زلمی کے نئے گانے میں ماہرہ خان کی پرفارمنس نے سوشل میڈ یا پر دھوم مچا دی 

maxresdefault copy

ویڈیو آپ بھی دیکھیں

 

Write on جمعرات, 22 فروری 2018

دبئی: بین الاقوامی شہرت یافتہ صوفی سنگر عابدہ پروین نے کہا ہے کہ صوفیوں‌ کا پیغام محبت بانٹنا ہے، کرکٹ اور پی ایس ایل بھی محبت بانٹنے کا ذریعہ ہے.
ممتاز گلوکارہ عابدہ پروین نے کہا کہ کھیلوں اور جشن کا مقصد محبت پھیلانا ہے.
ان کا کہنا تھا کہ معاشرے میں ایسی نسبت اور تعلق ضروری ہے، جو فاصلوں اور دراڑوں کو ختم کرے. سب سے بڑا کام لوگوں‌کے دلوں میں‌ جگہ بنانا ہے اور پی ایس ایل کا یہ سیزن یہ کام بڑے اہتمام کے ساتھ کرے گا.
صوفی سنگر کا کہنا تھا کہ اللہ تعالیٰ نے خود کو یاد رکھنے کا جو طریقہ وضع کیا ہے، وہ لوگوں کو قریب لاتا ہے، ایک دوسرے کی مدد کی تحریک دیتا ہے، یہ طریقہ ایک طرح کا جشن ہے.
عابدہ پروین نے کہا کہ اے آر وائی نے لوگوں کو قریب لانے کا بڑا کام کیا ہے. کراچی کنگز کے مالک سلمان اقبال میں لوگوں کو قریب لانے، ان کے دلوں میں گھر کرنے کا جذبہ ہے، جس پر میں مبارک باد دیتی ہوں۔ اس سے غم زدہ لوگوں کو خوشیاں ملیں گی۔

Write on جمعرات, 22 فروری 2018

ملتان : مخدوم جاوید ہاشمی کا کہنا ہے کہ جب تک آئین کی بالادستی کو جج، جرنیل سیاست دان نہیں مانیں گے، تب تک ملک چل نہیں سکتا، میاں نواز شریف جو قربانی دے رہے ہیں بڑی قربانی ہے عمران خان ایسی قربانی نہیں دے سکتے۔
تفصیلات کے مطابق ملتان پریس کلب میں سینئر سیاست دان جاوید ہاشمی نے پریس کانفرنس کرتے ہوئے کہا کہ میں کل کے فیصلے پر تبصرے کا حق رکھتا ہوں، عدلیہ ہمارا سب سے بڑا ادارہ ہے، عدلیہ کا وقار مٹی میں ملتا دیکھتا ہوں اس وقار کو بچانا بھی پاکستان کے شہریوں کا کام ہے۔
جاوید ہاشمی کا کہنا تھا کہ جو میں نے کہا تھا وہ پورا ہوا ہے، جو چار سال سے میں بول رہا تھا مجھے پتہ تھا، سپریم کورٹ نے پارلیمنٹ کو تحلیل کرنا تھا، مجھے تو عوام نے نہیں نکلا تھا، میں نے اسمبلی کی نشست سے استعفیٰ دیا، آپ سب گواہ ہیں میں نے کس طریقے سے ماحول سال گزارے ہیں۔
انھوں نے مزید کہا کہ میاں نواز شریف جو قربانی دے رہے ہیں بڑی قربانی ہے عمران خان ایسی قربانی نہیں دے سکتے،چیف جسٹس نے کہا میری ایک دو بار عمران خان سے بات ہوئی ہے، انہوں نے سپریم کورٹ کے سب ججوں کی چھٹیاں کینسل کر دیں۔
نواز شریف نے چار سال رابطہ نہیں رکھا، میں اکیلا جنگ لڑتا رہا، میں نے اپنے آپ کو قربان کر کے آئین کو بچا لیا ہے،سپریم کورٹ کاادارہ کبھی بھی آئین کی حفاظت کےلئےآگےنہیں آیا ،بابا رحمتے آپ بابا رحمتے نہیں زہمتے ہیں۔
نواز شریف کی شوگر ملیں کھول دی ہیں، خود وہ دفاع کریں، میں آئین کی بات کروں گا، یہ شک کی بنا پر تو قاتل کے ملزم کو چھوڑ دیتے ہیں مگر شک پر وزیراعظم کو گھر بھیج دیتے ہیں، اس تحریک کو چلانا ان کی ذمہ داری ہے، ان کو بیٹھنا نہیں چاہیے۔
نواز شریف نے کہا میں جیل جاؤں میں مارا جاوں مگر آئینی جنگ لڑوں گا، میں نے کہا میاں صاحب جب ایسا کریں گے، میں آپ کے ساتھ مل کر لڑوں گا، نوازشریف کےخلاف فیصلہ آخری نہیں،جیل میں بھی ڈالیں گے۔
ہم نے ججوں کو پالا ہے ہم نے ان کو فنڈز پلاٹس دیے ہیں، جمہوریت کو سب سے بڑا نقصان اس فیصلے سے ہوا ہے، جنھوں ایک لاکھ چھبیس ہزار ووٹ دئے ہیں، اس کو منہ پر مار دیا ہے۔
تحریک انصاف کے کارکنان سے کہتا ہوں تمارا ملک جل رہا ہے، فوجی جرنیلوں نے آئین کے پرخچے اڑا دیئے ہیں، ملزمان کی حفاظت کرنابھی عدالتوں کی ذمےداری ہے،کچھ لوگ سیاست کےلئےاسمبلی رکنیت سےاستعفی نہیں دےسکتے، عمران خان سیاست کو سہولتیں لینے کا ذریعہ سمجھتے ہیں۔

Write on جمعرات, 22 فروری 2018

لاہور: چیئرمین پیپلزپارٹی بلاول بھٹو زرداری نے کہا ہے ڈرامے بازی میں ایکسپرٹ نوازشریف نےجان بوجھ کرخودکومشکل میں ڈالا، نواز شریف عدلیہ اور پارلیمنٹ میں تصادم چاہتے ہیں، انہیں عوام اور عدالت دونوں سےسزاملے گی، پرویز مشرف کو انصاف کے کٹہرے میں لانا پڑے گا۔
تفصیلات کے مطابق لاہور میں چیئرمین پیپلزپارٹی بلاول بھٹو نے کارکنوں سے خطاب کلرتے ہوئے کہا کہ ہمیں کسانوں کو طاقت ور بنانا ہے ، پنجاب تباہ کر دیا گیا،غریب کی آواز سننے والا کوئی نہیں، ہم چاہتے ہیں امریکا،چائنہ اور روس سے بھی بات کرسکیں، دنیا جانتی ہے کہ ملک اور معیشت ایسے نہیں چل سکتی۔
بلاول بھٹو کا کہنا تھا کہ ہم ترقی پسند اور اسلامی تعلیمات کا ملک چاہتے ہیں، جعلی تبدیلی ،دہشتگردوں کے ساتھی عمران خان کی سیاست نہیں چاہتے، ہم شہید ذوالفقار علی بھٹو، بینظیر بھٹو کی سیاست چاہتے ہیں ، ہم جمہوریت چاہتے ہیں انصاف چاہتے ہیں، پیپلزپارٹی ملک ،معیشت کو مضبوط اور خارجہ پالیسی بناسکتی ہے۔
پی پی چیئرمین نے کہا کہ آج کے پنجاب میں بھی غریبوں کا حصہ ہوناچاہئے، حالیہ صورتحال ن لیگ خود پیداکردہ ہے، امیر کو امیر اور غریب سے غریب تر بنایا جارہاہے، ہم انصاف اور مساوات پر مبنی معاشرہ چاہتے ہیں، پیپلزپارٹی نے ہمیشہ عوام کی سیاست کی ہے۔
انکا کہنا تھا کہ ن لیگ کے خلاف الیکشن لڑرہا ہوں ،ان کے نمائندے سے نہیں مل سکتا، نوازشریف نے جان بوجھ کر خود کو مشکل میں ڈالا ہے ، نوازشریف ڈرامے بازی میں ایکسپرٹ ہے ، نوازشریف بتائیں وزیراعظم کی حیثیت سے کتنی بار پارلیمنٹ آئے، نوازشریف کو عوام اور عدالتوں دونوں طرف سے سزا ملے گی

صفحہ نمبر 1 ٹوٹل صفحات 1408

تازہ ترین خبریں

کالم / بلاگ