ہیڈلائنز


بھارت سن لے

Written by | روزنامہ بشارت

 پاکستانی شوبز حلقوں سے تعلق رکھنے والے فنکاروں زارا اکبر ، ثناء ، فرازنہ تھیم ،نرگس ، صا ئم علی ،ماہ نور ،امان اللہ ،ا فتخار ٹھاکر ، عارف لوہار ، احسن خان ، شامل خان ، رابی پیر زادہ ، عینی طاہرہ ، میگھا ، نسیم وکی ،اکرم اداس ، عابد کشمیری ، سخاوت ناز ، لیلیٰ ،میرا ،ریشم ، قسمت بیگ سمیت دیگر نے کہا ہے کہ اڑی حملہ بھارت کا خود ساختہ ڈرامہ ہے اور بھارت جنون کی حد تک انتہا پسندی کی تمام حدیں پار کر چکا ہے ۔
کشمیر میں بھارتی وحشیانہ مظالم پچھلے 50سال سے جاری ہیں اور اس پچھلے 2ماہ سے کشمیریوں پر ظلم پہاڑ توڑ کر سینکڑوں کشمیریوں کو شہید کرنے کے ساتھ ماورائے عدالت قتل ،پوری وادی کشمیر میں کرفیو لگا کر کشمیریوں کو ان کے حقوق روکنے کا ناکام کوشش کی جا رہی ہے اور بھارت نے عالمی دنیا کی توجہ کشمیر سے ہٹانے کیلئے اڑی حملے کا ڈرامہ رچایا ہے مگرا س میں بھی بھارت کو شرمندگی کے سواء کچھ حاصل نہیں ہوا ۔ فنکاروں نے کہا کہ اگر بھارت نے کوئی جارحانہ قدم اٹھایا تو ہم پاک فوج کے ساتھ قدم باقدم دشمن کامقابلہ کرنے کیلئے بے قرار ہیں اور اس مرتبہ دشمن کو اس طرح کا سبق دیں گے کہ ان کی آنے والی سات نسلیں بھی بھول نہیں سکیں گی ۔ انہوںنے کہاکہ بھارت ہٹ دھرمی چھوڑکر اقوام متحدہ کی قراردادوں کے تحت کشمیریوں کو اپنی مرضی کے تحت آزادی کاحق دینا چاہیے ۔

تازہ ترین خبریں

کالم / بلاگ