ہیڈلائنز


دلہنیں دپیکا پڈوکون کے فلم “اوم شانتی اوم “میں کردار کو کیوں پسند کرتی ہیں ؟

Written by | روزنامہ بشارت

 دپیکا پڈوکون بولی وڈ میں اپنی پہلی فلم ’اوم شانتی اوم‘ سے ہی اتنی مقبول اور کامیاب ہوگئیں کہ آج وہ شوبز کی سب سے مہنگی اداکارہ مانی جاتی ہیں۔

دپیکا پڈوکون نے بولی وڈ میں جس طرح کی فلم سے ڈیبیو کیا تھا شاید ہر اداکارہ اسی طرح سے اپنے فلمی سفر کے آغاز کا خواب دیکھتی ہوگی۔وینیٹی فیئر کو دیئے گئے ایک انٹرویو میں دپیکا پڈوکون نے بتایا کہ ان کی پہلی فلم ’اوم شانتی اوم‘ نے خواتین پر گہرا اثر چھوڑا تھا۔دپیکا کے مطابق ’مجھے یاد ہے میری پہلی فلم اوم شانتی اوم میں میرا میک اپ خاصا منفرد کیا گیا تھا، اس وقت کئی میک اپ آرٹسٹس میرے پاس آتے تھے اور مجھے بتاتے تھے کہ ان کے کردار جیسا میک اپ بہت مقبول ہوچکا ہے اور ہر دلہن اس فلم میں میرے کردار کی طرح کا دکھنا چاہتی تھی۔تاہم دپیکا کو ہمیشہ ہی اپنا میک اپ اور اسٹائل پسند نہیں آتا، جب وہ اپنی پرانی تصاویر دیکھتی ہیں تو انہیں کافی شرمندگی ہوتی ہے۔

اس حوالے سے دپیکا کا کہنا تھا کہ آپ خود کو تیار دیکھتے ہیں تو سوچتے ہیں کہ میں کتنی اچھی لگ رہی ہوں اور 10 سال بعد جب آپ دوبارہ ان ہی تصاویر کو دیکھیں گے تو آپ کو ایسا لگے گا کہ آخر میں اس وقت سوچ کیا رہی تھی؟ میں سوچتی ہوں میں بہت کمال لگ رہی ہوں اور بعد میں مجھے ایسا بالکل نہیں لگتا۔اداکارہ کے مطابق اسٹائل اور فیشن ایک دوسرے سے الگ ہیں، اسٹائل آپ کا اپنا ذاتی ہوتا ہے جبکہ فیشن وقت کے ساتھ بدلتا رہتا ہے۔دپیکا کا کہنا تھا کہ آپ جو بھی پہنیں سب سے اہم یہ ہے کہ آپ اُس سے مطمئن ہوں اور میرے لیے یہی سب سے اہم بات ہے۔واضح رہے کہ دپیکا پڈوکون نے 2007 میں اپنے فلمی کیرئیر کا آغاز کیا تھا۔وہ اس وقت اپنی فلم "پدماوتی" کی شوٹنگ میں مصروف ہیں

تازہ ترین خبریں

کالم / بلاگ