ہیڈلائنز


اب زلزلے پاکستانی عمارتوں کا کچھ بگاڑ نہیں پائیں گے

Written by | روزنامہ بشارت

کراچی (میڈیا ریلیشن آفیسر) ۔ این ای ڈی یونی ورسٹی آف انجیئنرنگ اینڈ ٹیکنالوجی کے ارتھ کوئیک انجینئرنگ ڈیپارٹمنٹ کی لیب میں اسٹیل کینیڈا کے تعاون سے زلزلہ پروف عمارتوں کی تعمیراورموجودہ عمارتوں کے لیے اسٹیل سے بنے بکلنگگ ری اسٹرین فریم کا کامیاب تجربہ کیا گیا۔

بکلنگ ری اسٹرین بریسنگ(بی آر بی) سے پہلے کے مقابلے زیادہ لچکدار اور مضبوط ڈھانچے کی تعمیرممکن ہے جس کے ذریعے عمارت زلزلے کے شدید جھٹکوں کو برداشت کرسکتی ہے۔این ای ڈی یونی ورسٹی کے وائس چانسلرپروفیسر ڈاکٹر سروش حشمت لودھی نے زلزلہ پروف ڈھانچے کو وقت کی اہم ضرورت قرار دیتے ہوئے کہا کہ اس فریم کو لگوانے سے عمارت انتہائی محفوظ ہوجاتی ہے اور خرچ بھی زیادہ نہیں آتا ہے۔

thumbnail VC with guests

وائس چانسلر نے چیئرمین شعبہ ارتھ کوئیک کے چیئرمین اور ٹیم کو سراہتے ہوئے کامیاب تجربے پر مبارک باد پیش کی۔ ارتھ کوئیک انجینئرنگ ڈیپارٹمنٹ کے چیئرمین ڈاکٹر محمد مسعود رفیع کا کہناتھا کہ نئی تعمیر ہونے والی عمارتوں کو زلزلہ پروف بنانے کے لیے مختلف طریقے آزمائے جاتے ہیں لیکن پُرانی تعمیر شدہ عمارت کے لیے بی آر بی بہترین طریقہ ہے جس کے ذریعے کسی بڑی توڑ پھوڑ کے بغیر عمارت کو محفوظ بنایا جاسکتا ہے۔اسٹیل کینیڈا لمیٹڈ کے ریجنل ایکسپورٹ مینجر عبدالمالک کا کہنا تھا کہ بنگلہ دیش میں اس کا تجربہ کامیاب رہا جب کہ پاکستان کے زلزلے کی بیلٹ پر واقع ہونے کی وجہ سے یہاں کی تعمیراتی صنعت کو بی آر بی کی ضرورت ہے۔

thumbnail dr masood rafi with team

یاد رہے کہ اگر زلزلوں کی سر زمین جاپان کا کشمیر اور اس سے ملحقہ علاقوں میں رونما ہونے والے آٹھ اکتوبر کے زلزلے سے موازنہ کیا جائے تو پتا چلتا ہے کہ ریکٹر اسکیل پر پاکستان میں آئے زلزلے کی شدّت نسبتاً کم تھی، اس کے باوجود جاپان کی نسبت پاکستان میںتباہی پانچ گنا زیادہ ہوئی تھی۔ پاکستان میں ہزاروں افراد لقمہ اجل بنے، لاکھوں گھر تباہ، متعدد شہر ملیا میٹ ہوئے جب کہ انفرااسٹرکچر کو شدید ترین نقصان پہنچا تھا۔ ماہرین کے مطابق پاکستان میں زیادہ تباہی کی وجہ ناقص حکمتِ عملی، غیر معیاری طرزِ تعمیر اور بچاؤکے حوالے سے آگہی کا فقدان تھا لیکن محقیقین کا یہ بھی کہنا ہے کہ زیادہ تر اموات عمارتیں گرنے کے سبب رونما ہوئیں۔

thumbnail frame


Read Basharat Online

 

 

PentaBuilders

روزنامہ بشارت ٹویٹر


Follow Daily_Basharat on Twitter

تازہ ترین خبریں

کالم / بلاگ