ہیڈلائنز


جامعہ کراچی: ایم فل / پی ایچ ڈی کے داخلہ ٹیسٹ کے نتائج کا اعلان ،کامیابی کا تناسب 46.02 فیصدرہا

Written by | روزنامہ بشارت

جامعہ کراچی کے بورڈ برائے اعلیٰ تعلیم وتحقیق کے کنوینرایڈمیشنزپروفیسرڈاکٹر محمد احمد قادری کے اعلامیہ کے مطابق ایم فل،پی ایچ ڈی ،ایم ایس اور ایم ڈی کے داخلہ ٹیسٹ کے نتائج کا اعلان کردیاگیاہے۔داخلہ ٹیسٹ کے نتائج آج بروز منگل 16 مئی 2017 ء کو جامعہ کراچی کی ویب سائٹ پر جاری کردیئے جائیں گے۔داخلہ ٹیسٹ میں 2941 طلبہ نے شرکت کی جن میں سے 1375 طلباوطالبات کو کامیاب قراردیاگیا ۔کامیابی کا تناسب46.02 فیصدرہا۔ ایم فل کے ٹیسٹ میں2527طلبہ شریک ہوئے جبکہ 1133 طلبہ کو کامیاب قراردیاگیا۔پی ایچ ڈی کے ٹیسٹ میں 336 طلبہ شریک ہوئے ،175 کو کامیاب قراردیاگیا۔اسی طرح ایم ایس کے ٹیسٹ میں 63 طلبہ شریک ہوئے،44کو کامیاب قراردیاگیاجبکہ ایم ڈی کے داخلہ ٹیسٹ میں 44 طلبہ شریک ہوئے جس میں سے 23 طلبہ کو کامیاب قراردیاگیا۔تفصیلات کے مطابق کلیہ سماجی علوم کے داخلہ ٹیسٹ میں 736 طلبہ شریک ہوئے جبکہ 376 طلبہ کو کامیاب قراردیاگیا ۔کامیاب طلبہ کا تناسب 51 فیصد رہا۔کلیہ علوم میں 1171 طلبہ شریک ہوئے،487 طلبہ کو کامیاب قراردیاگیا ۔کامیاب طلبہ کا تناسب 41 فیصد رہا۔کلیہ معارف اسلامیہ میں 312 طلبہ شریک ہوئے،187 طلبہ کو کامیاب قراردیاگیا۔کامیاب طلبہ کا تناسب 60 فیصدرہا۔کلیہ نظمیات وانصرام میں 273 طلبہ شریک ہوئے،97 طلبہ کو کامیاب قراردیاگیا۔کامیاب طلبہ کا تناسب 35.05 فیصدرہا۔کلیہ علم الادویہ میں 212 طلبہ شریک ہوئے ،96 طلبہ کو کامیاب قراردیاگیا۔کامیاب طلبہ کا تناسب 45 فیصدرہا۔کلیہ تعلیم میں 106 طلبہ شریک ہوئے،53 طلبہ کو کامیاب قراردیاگیا۔کامیاب طلبہ کا تناسب 50 فیصدرہا۔اسی طرح کلیہ قانون کے داخلہ ٹیسٹ میں 52 طلبہ شریک ہوئے جبکہ 12 طلبہ کو کامیاب قراردیاگیا۔کامیاب طلبہ کا تناسب 23 فیصدرہا۔

تازہ ترین خبریں

کالم / بلاگ