ہیڈلائنز

Reporter HH

Write on جمعہ, 28 جولائی 2017

عوامی مسلم لیگ کے سربراہ شیخ رشید نے کہا ہے کہ پہلے ہی کہا تھا پپو پانچوں پیپرز میں فیل ہوگا اور قربانی سے پہلے ہی قربانی ہوگئی۔
عوامی مسلم لیگ کے سربراہ اور پاناما کیس کے درخواست گزار شیخ رشید نے عدالتی فیصلے پر اپنے رد عمل کا اظہار ٹوئٹر پر کیا۔
شیخ رشید کا اپنی ٹوئٹ میں کہنا تھا کہ پاکستان جیت گیا اور پہلے ہی کہا تھا پپو پانچوں پیپرز میں فیل ہوگا۔

sheda 2

 

Write on جمعہ, 28 جولائی 2017

اسلام آباد: سپریم کورٹ میں وزیراعظم نوازشریف کے خلاف فیصلہ آنے کے بعد تحریک انصاف کے چیرمین عمران خان نے شکرانے کے نوافل ادا کئے۔
سپریم کورٹ نے پاناما کیس میں نوازشریف کو نااہل جب کہ پوری شریف فیملی کے خلاف مقدمہ درج کرنے اور نیب میں ان کے خلاف ریفرنس دائر کرنے کا بھی حکم دے دیا ہے۔ خبر ملتے ہی بنی گالہ میں اپنی رہائش گاہ میں موجود تحریک انصاف کے چیرمین عمران خان نے شکرانے کے نوافل ادا کئے.

Write on جمعہ, 28 جولائی 2017

اسلام آباد: سپریم کورٹ نے پاناما کیس میں وفاقی وزیرخزانہ اسحاق ڈار کو بھی نااہل قرار دے دیا ہے۔
پاناما کیس میں وزیراعظم نوازشریف ان کے خاندان اور وفاقی وزیرخزانہ کے خلاف فیصلہ دیتے ہوئے انہیں نااہل قرار دے دیا ہے جب کہ سب کے خلاف نیب میں ریفرنس دائر کرنے کا حکم بھی دیا ہے۔ عدالت نے اسحاق ڈار کے خلاف مقدمہ درج کرنے کا بھی حکم دیا ہے۔
واضح رہے کہ اسحاق ڈار شریف خاندان کے لیے اربوں روپے کی منی لانڈرنگ کا الزام ہے۔

Write on جمعہ, 28 جولائی 2017

ترجمان مسلم لیگ (ن) کا کہنا ہے کہ نواز شریف وزارت عظمیٰ کے عہدے سے سبکدوش ہوگئے ہیں۔
ترجمان مسلم لیگ (ن) کا کہنا ہے کہ نواز شریف نے وزارت عظمیٰ کا عہدہ چھوڑ دیا ہے جب کہ کابینہ بھی تحلیل ہوگئی ہے۔
ترجمان نے کہا کہ پٹیشن کے اندراج سے فیصلے تک مختلف مراحل میں شدید تحفظات کے باوجود سپریم کورٹ کے فیصلے پر عملدرآمد کیا جائے گا۔
ترجمان (ن) لیگ کا کہنا تھا کہ پورے عدالتی عمل کے دوران ایسی مثالیں قائم ہوئیں جن کی ماضی میں کوئی نظیر نہیں ملتی جب کہ منصفانہ ٹرائل کے آئینی اور قانونی تقاضے بری طرح پامال کئے گئے۔
ترجمان کا کہنا ہے کہ ہمارے ساتھ ناانصافی ہوئی ہے، عدالتی فیصلے کے حوالے سے شدید تحفظات ہیں تاہم تمام آئینی و قانونی آپشن استعمال کئے جایئں گے اور عوام کی عدالت میں سرخرو ہوں گے۔
خیال رہے کہ سپریم کورٹ کے 5 رکنی بینچ نے پاناما کیس کے فیصلے میں وزیراعظم نواز شریف کو نااہل قرار دیا ہے۔

Write on جمعہ, 28 جولائی 2017

اسلام آباد: سپریم کورٹ نے پاناما کیس سے متعلق دائر درخواستوں پر نواز شریف کو نااہل قرار دے دیا ہے۔
جسٹس آصف سعید کھوسہ کی سربراہی میں جسٹس گلزار احمد، جسٹس اعجاز افضل، جسٹس شیخ عظمت سعیداور جسٹس اعجاز الاحسن پر مشتمل 5 رکنی لارجر بینچ نے 21 جولائی کو 3 رکنی خصوصی بینچ کی جانب سے محفوظ کیا گیا فیصلہ پڑھ کر سنایا جس میں وزیراعظم نواز شریف کو نااہل قرار دے دیا گیا۔
فاضل بینچ کے پانچوں جج صاحبان نے متفقہ طور پر نواز شریف کو نااہل قرار دے دیا ہے، اپنے فیصلے میں سپریم کورٹ نے نیب کو حکم دیا ہے کہ نواز شریف اور ان کے اہل خانہ کے خلاف 6 ماہ میں ریفرنس دائر کیا جائے۔

Write on پیر, 24 جولائی 2017

فیصل آباد: وزیر قانون پنجاب راناثنااللہ کا کہناہے کہ کچھ لوگ ملک دشمن ایجنڈے کے لیے سپریم کورٹ کا کندھا استعمال کرکے ملک میں عدم استحکام پھیلانا چاہتے ہیں۔

فیصل آباد میں میڈیا سے بات کرتے ہوئے وزیر قانون پنجاب رانا ثنااللہ نے کہا کہ نوازشریف پر ایک روپے کی کرپشن کا الزام نہیں ہے، پچھلے 36 سالوں سے نواز شریف پر کوئی الزام نہیں لگا، مسلم لیگ (ن) کی حکومت کے 4 سالوں میں اگر کسی منصوبے میں کرپشن ہوئی ہے تو بتادیں وزیر اعظم نے ہمیشہ ملک سے اندھیرے ختم کرنے کی مخلصانہ کوشش کی ہے اور کررہے ہیں، ہمارے مخالفین یہ بات جانتے ہیں کہ نواز شریف کی مقبولیت کے پیش نظر 2018 میں وزیر اعظم کو شکست نہیں دے سکتے لہٰذا سپریم کورٹ کے کندھے پر بندوق رکھ کر چلانے کی کوشش کررہے ہیں۔

وزیر قانون نے کہا کہ ہمارے اقتدار میں ملک میں ریکارڈ زیادہ ترقیاتی کام ہورہے ہیں، وزیر اعظم پاکستان اور پاکستانی عوام سے مخلص ہیں ہم پاکستان کو سیاسی استحکام کی طرف لے کرجائیں گے۔ ایک صوبے کا وزیر اعلیٰ دھرنوں کی آڑ میں اسلام آباد پر چڑھائی کرتا ہے یہ بغاوت نہیں تو اور کیا ہے، ملک اگر سیاسی عدم استحکام کا شکار ہوگا تو اس کا نقصان ملک کے عوام کو ہوگا اور 20 کروڑ عوام اسکا خمیازہ بھگتیں گے۔

Write on پیر, 24 جولائی 2017

کابل: افغانستان کے دارالحکومت کابل میں نجی کمپنی کے دفتر کے باہر خودکش کار بم دھماکے کے نتیجے میں 35  افراد ہلاک جب کہ متعدد زخمی ہوگئے۔

غیر ملکی خبر رساں ادارے کے مطابق صبح کابل کے علاقے گلئی دواخانہ میں ایک نجی کمپنی کے دفتر کے باہر خودکش کار بم دھماکہ ہوا جس کے نتیجے میں 35 افراد ہلاک جب کہ متعدد زخمی ہوگئے، دھماکے کے بعد ریسکیو اہلکاروں نے زخمیوں کو فوراً قریبی اسپتال میں منتقل کیا جہاں انہیں طبی امداد فراہم کی جارہی ہے جب کہ پولیس اور سیکیورٹی اداروں نے دھماکے کی جگہ کو گھیرے میں لیکر شواہد اکھٹے کرکے تفتیش شروع کردی ہے۔

افغان میڈیا کے مطابق بم دھماکا اتنا شدید تھا کہ اس کی آواز دور تک سنی گئی اور آس پاس کی عمارتیں لرز اٹھیں جب کہ دھماکے کا نشانا بننے والی نجی کمپنی کے سی ای او محمد محقق کی رہائش گاہ بھی دھماکے سے قریب بتائی جاتی ہے۔

Write on جمعہ, 21 جولائی 2017

برمنگھم: کونٹری روڈ پر شادی ہال کی چھت گرنے سے متعدد افراد زخمی ہو گئے۔ ہال میں مدرسے کے فارغ التحصیل بچوں کو سرٹیفکیٹ دیئے جا رہے تھے کہ اس دوران یہ افسوسناک واقعہ پیش آ گیا۔ واقعہ کے بعد پولیس نے علاقے کو گھیرے میں لے لیا جبکہ زخمیوں کو طبی امداد کے لیے مقامی اسپتال منتقل کر دیا گیا ہے۔

صفحہ نمبر 1 ٹوٹل صفحات 166

تازہ ترین خبریں

کالم / بلاگ