Reporter FK

Reporter FK

Write on جمعہ, 20 جنوری 2017

سابق ہیڈ کوچ وقار یونس نے کہا ہے کہ پاکستانی ٹیم کے پاس سڈنی کی کنڈیشنز میں آسٹریلیا سے جیتنے کا اچھا موقع ہے۔

تفصیلات کے مطابق سابق ہیڈ کوچ وقار یونس نے کہا کہ آسٹریلیا کے خلاف سیریز ابھی ختم نہیں ہوئی او رپاکستانی ٹیم کم بیک کر سکتی ہے۔ پاکستان کے پاس سڈنی کی کنڈیشنز آسٹریلیا سے جیتنے کا اچھا موقع ہے ۔

واضح رہے کہ پانچ ایک روزہ میچوں کی سیریز کے پہلے میچ میں پاکستان کو شکست ہوئی تو دوسرے میچ میں پاکستان نے تاریخی فتح حاصل کر کے سیریز ایک، ایک سے برابر کر دی تاہم آسٹریلیا نے پرتھ میں کھیلے گئے تیسرے میچ میں پاکستان کو شکست دے کر سیریز میں 2-1 کی برتری حاصل کر رکھی ہے

Write on جمعہ, 20 جنوری 2017

 پاکستان پیپلز پارٹی کی رہنما شرمیلا فاروقی اپنی زندہ دلی اور فیشن کی وجہ سے کافی مشہور ہیں لیکن اب ان کی ایک ایسی تصویر منظر عام پر آگئی ہے کہ دیکھنے والے حیران رہ جائیں گے۔تفصیلات کے مطابق سوشل میڈیا ویب سائٹ ٹوئٹر پر شرمیلا فاروقی نے اپنی ایک تصویر شیئر کی ہے جو لاہور اسلام آباد موٹروے کے بھیرہ انٹر چینج پر لی گئی ہے،تصویر میں دیکھا جاسکتا ہے کہ شرمیلا فاروقی کے ایف سی کے ایک ہوٹل میں موجود ہیں اوربرگر کھا رہی ہیں۔ ہلکی ہلکی بارش میں دوران سفر واقعی اس سے بہتر تفریح اور کیا ہوسکتی ہے۔  

Write on جمعہ, 20 جنوری 2017

 نجی اخبار نے دعوٰی کیاہے کہ اب نوازحکومت نے سرکاری ٹی وی پاکستان ٹیلی ویژن (پی ٹی وی ) کوبھی نیلام کرنے کافیصلہ کرلیاہے۔تفصیلات کے مطابق وفاقی حکومت نے اپنی نجکاری پالیسی جاری رکھتے ہوئے ملکی معیشت میں سب سے زیادہ منافع دینے والاسرکاری نشریاتی ادارہ پی ٹی وی بھی نیلام کرنے کافیصلہ کرلیاہے۔ابتدائی طورپرپی ٹی وی نے عوام کی تفریح کے چینل پی ٹی وی ہوم (انٹرینمنٹ )کے پرائم ٹائم کی نشریات یعنی کہ شام 5 بجے سے لیکررات 9 بجے تک ایک نجی ٹی وی( ہم ٹی وی) کو2.5ملین روپے (صرف 25لاکھ روپے)میں فروخت کرنے کافیصلہ کرلیاہے۔جبکہ پی ٹی وی ہوم کواس پرائم ٹائم کے دوران اشتہارت کی وجہ سے روزانہ کروڑوں روپے کی آمدن ہورہی تھیجبکہ پی ٹی وی نے اپنے کھیلوں کے چینل پی ٹی وی سپورٹس کو پاکستان کے معروف ترین چینل جیونیوزکے سپورٹس چینل( جیوسپورٹس) کوفروخت کرنے کافیصلہ کرلیاہے۔پی ٹی وی سپورٹس بھی سرکاری نشریاتی ادارے کوماہانہ کروڑوں روپے کی آمدنی دینے والاچینل ہے لیکن اب اس کوبھی نجی ٹی وی چینل جیونیوزکے سپورٹس چینل( جیوسپورٹس) کودینے کافیصلہ کرلیاگیاہے۔اس سلسلے میں وزارت اطلاعات نے پی ٹی وی کےان دونوں چینلزکوجیوسپورٹس اورہم ٹی وی کودینے کی تیاریاں مکمل کرلی ہیں۔

Write on جمعہ, 20 جنوری 2017
 

خواجہ سعد رفیق کا کہنا ہے کہ تحریک انصاف نے سچ اورجھوٹ کی تمیزختم کردی ہے اوراب اس کا مقصد پاناما کیس کے ذریعے زیادہ سے زیادہ سیاست کرنا ہے۔

سپریم کورٹ کے باہرمیڈیا سے بات کرتے ہوئے وزیرریلوے خواجہ سعد رفیق کا کہنا تھا کہ ہم نے عدلیہ کی سربلندی کے لئے جدوجہد کی کیونکہ عدالتوں کی آزادی کے بغیر کوئی قوم زندہ نہیں رہ سکتی، سپریم کورٹ نے باہرعدالت لگانے سے گریزکرنے کی ہدایت دے رکھی ہے لیکن تحریک انصاف عدالتی کارروائی کو وقفے کے بعد باہرآ کرمسخ کر دیتی ہے، تحریک انصاف یہی حکمت عملی الیکشن کمیشن کے باہربھی کرتی رہی ہے جبکہ ہم باہرجو کچھ کرتے ہیں ردعمل کے طورپرکرتے ہیں۔ انہوں نے کہا کہ پاناما کیس کا فیصلہ جو بھی ہو ہمیں اسے تسلیم کرنا پڑے گا لیکن مخالفین کی جانب سےعدالت کو دباؤ میں لانے کی کوشش کی جارہی ہے جبکہ تحریک انصاف کا مقصد پاناما کیس میں زیادہ سے زیادہ سیاست کرنا ہے۔

سعد رفیق نے کہا کہ تحریک انصاف نے سچ اورجھوٹ کی تمیز ختم کردی ہے، ہمیں یہ سوچنا ہے کہ ہم پاکستان کو کیا دے رہے ہیں، کیا عدالتی کارروائی کو گمراہ کن اندازمیں پیش کرنا توہین عدالت نہیں ہے، جب ہم بات کرتے ہیں توکہتے ہیں وزرا آجاتے ہیں، وزرا انسان ہیں اورسیاسی ورکر بھی ہیں۔ انہوں نے کہا کہ تحریک انصاف دوسروں کی کردارکشی میں حد سے تجاوز کر چکی ہے، عدالت کواس معاملے کا نوٹس لینا چاہئے، ہمارے چہرے داغدار کرنے والوں کو ہم بھی نہیں چھوڑیں گے، سیاست پر اختلاف کریں ذاتی حملے نہ کریں۔ 

وزیردفاع خواجہ آصف نے کہا کہ عدالت کی کارروائی پرتبصرہ کرنا غیرقانونی ہے، 2014 سے پاکستان کی ترقی میں رکاوٹیں ڈالی جارہی ہیں، دسمبرتک ملک سے تمام اندھیرے دورکر دیں گے، نوازشریف نے قوم سے جو وعدے کئے وہ سب پورے کریں گے اور ہم جانے والے نہیں کھڑے رہنے والے ہیں اور کھڑے رہیں گے۔

پاکستان مسلم لیگ (ن) کے رہنما طلال چوہدری کا کہنا تھا کہ پہلے سپریم کورٹ میں منی لانڈرنگ کا مقدمہ دائرکیا گیا لیکن جب کوئی ثبوت نہ پیش کرسکے تو کہا گیا کہ وزیراعظم نے اپنی تقاریرمیں جھوٹ بولا اور جب یہ بھی ثابت نہ ہو سکا تو پھر کہا گیا کہ بیٹوں نے باپ اور باپ نے بیٹی کو تحفے کیوں دیئے ہیں۔ ان کا کہنا تھا کہ یہ اعتراض کرنے والوں میں ایک نام جہانگیر ترین کا بھی ہے جن کے مالی اور خانساموں کے نام اربوں کی جائیداد ہے اورجو یہ جائیداد انہیں تحفے میں دے دیتے ہیں، دوسرے معترض عمران خان ہیں جنہوں نے کچھ عرصہ قبل اپنی بیوی کو چھوڑا اور ان سے اربوں روپے کی جائیداد بطورتحفہ وصول کرلی، ہم عدالت میں یہ ثابت کریں گے کہ جو تحفے وزیراعظم کو ملے وہ جائز تھے اورقانونی طریقے سے ان کی ٹرانزیکشن ہوئی۔

طلال چوہدری کا پیپلزپارٹی کی جانب سے کرپشن کے خلاف مہم پرکہنا تھا کہ میں صدقے جاؤں بلاول بھٹو پر، انہیں تو جب تک ان کے ساتھ  زرداری لگا ہے کرپشن پربات ہی نہیں کرنی چاہیئے، پیپلزپارٹی کی کرپشن کے خلاف بات کرنا قیامت کی نشانی ہے۔ انہوں نے کہا کہ عمران خان اور بلاول بھٹو کی ڈگریاں تو آکسفورڈ یونی ورسٹی کی لیکن دونوں کی سوچ لنڈے کی ہے۔

وزیراطلاعات مریم اورنگزیب کا کہنا تھا کہ نواز شریف وہ نام ہیں جنہیں اس قوم نے  تیسری بارملک کا وزیراعظم منتخب کیا ہے، تحریک انصاف نے وزیراعظم کے خلاف جھوٹی پٹیشن دائرکی لیکن کیس ہم لڑ رہے ہیں، عمران خان جھوٹ بول کرپوری قوم کو گمراہ کرنے کی کوشش کررہے ہیں۔ انہوں نے کہا کہ عوام نے 2013 میں بھی نواز شریف کو ووٹ دیا اور 2018 میں بھی انہیں ہی ووٹ دے گی

Write on جمعہ, 20 جنوری 2017

سندھ اسمبلی میں صوبائی وزیر امداد پتافی نے غیر مہذب ذبان کا استعمال کرتے ہوئے ایوان کے تقدس کو پامال کردیا۔

تفصیلات کے مطابق جمعہ کو ڈپٹی اسپیکر شہلا رضا کی زیر صدارت سندھ اسمبلی کا اجلاس جاری تھا کہ اس دوران مسلم لیگ فنکشنل کی خاتون رکن اسمبلی نصرت سحر عباسی نے وزیر سروسز اینڈ ورکس امداد پتافی سے انگلش میں لکھے گئے سوال کو پڑھنے کا کہا جس پر صوبائی وزیردرست انگریزی نہ پڑھ سکے ،نصرت سحر نے اصرار کیا کہ وزیر انگلش میں لکھے گئے سوال کو پڑھیں ،امداد پتافی نے ٹھیک سے انگلش بولنے میں ناکام رہے جس پر ایوان میں موجود حیرت میں مبتلا ہوگئے اور اس دوران نصرت سحر اور صوبائی وزیر کے دوران جملوں کا تبادلہ ہوگیا۔ پہلے تو طنزیہ انداز میں صوبائی وزیر نے کہا کہ رسی جل گئی پر بل نہیں گیا،پھر نصرت سحر کو ڈرامہ کوئین قرار دیتے ہوئے کہا کہ یہ مجھے ٹیوشن نہیں پڑھاتی یہ چیمبر میں آجائیں میں ان کو جواب دوں گا جس پر خاتون رکن نے احتجاج کرتے ہوئے کہا کہ صوبائی وزیر ذومعنی جملے بول رہے ہیں ان کو چاہیےچیمبر میں اپنی ماں ،بہن کو بلالیں

Write on جمعہ, 20 جنوری 2017

 ایک شخص ایک ڈاکٹر کے پاس گیا اور عرض کیا کہ

“جناب میں پاگل ہو گیا ہوں۔۔

ڈاکٹر نے حیرت سے وجہ پوچھی تو اس نے کہا کہ

ڈاکٹر صاحب میں نے ایک بیوہ عورت سے شادی کی جس کے ساتھ اس کی جوان بیٹی بھی میرے گھر آئی۔۔ وہ جوان لڑکی میرے والد کو پسند آگئی اور انہوں نے اس سے شادی کر لی۔

والد صاحب والی نے بیٹا اور میری والی نے بیٹی دی اب صورتحال یہ ہے کہ۔۔

وہ جوان لڑکی میری بیٹی بھی ہے اور ماں بھی، میری بیوی کی ماں بھی ہے اور ساس بھی، اسکا بیٹا میرا سوتیلا بھائی بھی ہے نواسہ بھی، میرا باپ میرا داماد بھی ہے اور میری بیوی کا سسر بھی، میری بیوی میرے باپ کی بہو بھی ہے اور ساس بھی، میری بیٹی میرے باپ کی سالی بھی ہے پوتی بھی، میرے باپ کا بیٹا میرے بیٹی کا چچا بھی ہے بھانجا بھی، وہ میری بیوی کا دیور بھی ہے اور۔۔۔۔۔۔۔۔۔۔۔۔ ڈاکٹر بولا بس الو کے پٹھے تو پھر بھی ٹھیک ہے میں پاگل ہو گیا ہوں۔۔

ایسی ہی کہانی نوازشریف صاحب کا وکیل عدالت میں سنا رہا ہے

حسین نے نواز کو تحفہ دیا، نواز نے وہی تحفہ مریم کو دیا، مریم نے حسن کو تحفہ دیا، حسن نے تحفہ دادی کو دیا، دادی نے کلثوم کو دیا، کلثو م نے حسن کو دیا، حسن نے حسین کو دیا، حسین نے مریم کو دیا، مریم نے نواز کو دیا، نواز نے پھر مریم کو دیا، مریم نے دادی، دادی سے مریم، مریم سے دادی ۔۔۔۔۔۔۔۔۔۔۔۔۔۔۔۔۔۔۔۔

سمیع اللہ سے کلیم اللہ، کلیم اللہ سے سمیع اللہ، دو پلئیرز کو ڈاج دینے کے بعد گیند پھر کلیم اللہ کے پاس، کلیم اللہ سے پھر سیمع اللہ ۔۔۔۔ اللہ کے بندو ایک آدھ پاس ڈی کے قریب کھڑے حسن سردار کی طرف بھی پھینک دو۔۔۔

پراپرٹی دادی کی، دادای نواز شریف کی زیر کفالت، مریم دادی کی زیر کفالت اور کلثوم؟

ہزارے کا وضعدار خاندانی کیپٹن سوچتا ہوگا کہ کس “تحفہ” نما ٹبر میں پھنس گیا۔۔

بوڑھی دادی اور مرحوم دادا بھی تحفہ زنی کی لپیٹ میں۔۔

ڈاکٹر کی طرح جسٹس کھوسہ کا میٹر بھی گھومنے کو ہے

Write on جمعہ, 20 جنوری 2017

 پاکستان پیپلز پارٹی کےچیئرمین بلاول بھٹو زرداری سےاداکارہ میرانےملاقات کی ہے۔تفصیلات کے مطابق بلاول بھٹو سے ملاقات کے دوران میرا نے فلمی صنعت کی بحالی پر بات چیت کی جبکہ فلمی صنعت کی بحالی کیلئے مختلف تجاویز بھی دیں۔

واضح رہے کہ پاکستان پیپلز پارٹی بلاول بھٹو زرداری کی قیادت میں آج لاہور سے فیصل آباد تک ریلی نکال رہی ہے اور اسی حوالے سے بلاول لاہورمیں موجود ہیں

Write on جمعہ, 20 جنوری 2017

سوشل میڈیا پراداکارہ پریانکا چوپڑا کی ایک وڈیو نے تہلکہ مچایا ہوا ہے جس میں ایک پریس کانفرنس کے دوران ان کا کہنا تھا کہ انہیں اذان کے وقت کا انتظار رہتا ہے۔ انہوں نے کہا کہ جب وہ شام کے وقت اپنے گھر کے ٹیرس پر بیٹھتی ہیں تو انہیں بیک وقت ہر جانب سے اذانوں کی آواز آتی ہے اور وہ وقت انہیں سب سے زیادہ اچھا لگتا ہے۔

 

بالی ووڈ میں جنگلی بلی کے نام سے مشہور اداکارہ پریانکا چوپڑا بے باک اداکاری میں تو سب سے ہی آگے ہیں تاہم وہ اپنے خیالات و احساسات سمیت ذاتی زندگی کے حوالے سے بھی مداحوں کو آگاہ رکھتی ہیں اور اذان کی آواز سے سکون ملنے سے متعلق ان کے تازہ بیان نے ان کی شخصیت کا ایک نیا پہلو آشکار کیا ہے۔

اداکارہ پریانکا چوپڑا نے کہا کہ غروبِ آفتاب کے وقت ہونے والی اذان (یعنی اذانِ مغرب) انہیں سب سے زیادہ پسند ہے کیونکہ چاروں طرف سے آنے والی اذان کی آوازوں سے انہیں ایک ناقابلِ بیان سا سکون محسوس ہوتا ہے۔

 

واضح رہے کہ اداکارہ پریانکا چوپڑا ہالی ووڈ میں بھی اپنی اداکاری سے خوب کامیابی سمیٹتی رہی ہیں جب کہ حال ہی میں اداکارہ نے امریکا میں دوسرا ’’پیپلزچوائس‘‘ ایوارڈ بھی اپنے نام کیا ہے۔


Read Basharat Online

مقبول خبریں

روزنامہ بشارت ٹویٹر

There is no friend in list


Follow Daily_Basharat on Twitter