ہیڈلائنز

Reporter FK

Write on منگل, 17 اکتوبر 2017

سابق وزیراعظم کی صاحبزادی مریم نواز کے بیٹے جنید صفدر کی منگنی پاکستان کے معروف اینکر پرسن کی بیٹی سے ہوگئی ہے جس کے بعد سے مذکورہ اینکر پرسن نے اپنے پروگراموں میں مسلم لیگ ن کی مکمل جانبداری اور پاک فوج کیخلاف زہر افشانی کا سلسلہ شروع کردیا ہے، اس سے قبل یہ اینکر غیرجانبدار تصور کیا جاتا تھا. تفصیلات کے مطابق فیس بک پر آئی ایس آئی کے نام سے ایک پیج پر انکشاف کیا گیا ہے کہ جیو نیوز کے اینکر پرسن طلعت حسین جب آج ٹی وی پر تھے تو انہوں نے کبھی بھی پاک فوج کیخلاف پروگرام نہیں کیا تھا اور وہ ایک غیرجانبدار اور معتبر صحافی مانے جاتے تھے تاہم اب ان کی بیٹی کی منگنی مریم نواز کے بیٹے جنید صفدر سے ہوگئی ہے جس کے بعد سے طلعت حسین کی پالیسی میں یکدم تبدیلی آگئی ہے اور وہ اپنے پروگراموں میں ن لیگ کے حریف جماعتوں کے ساتھ ساتھ پاک فوج کیخلاف بھی زہر افشانی کرتے ہیں، اس سے قبل بھی ایک خبر آئی تھی کہ مریم نواز نے طلعت حسین کو امریکہ میں سفیر مقرر کرنے کی یقین دہانی کروائی ہے اورہدایت کی ہے کہ وہ اپنے پروگراموں میں تحریک انصاف، پیپلزپارٹی اور پاک فوج کیخلاف بولیں، اب فیس بک پر آئی ایس آئی کے نام سے ایک پیج نے ایک سے زائد بار اپنی پوسٹ میں اس بات کاانکشاف کیاہے کہ طلعت حسین کی بیٹی کی منگنی جنید صفدر سے نہ صرف طے پائی ہے بلکہ انجام پاگئی ہے جس کے بعد سے طلعت حسین نے پی ٹی آئی کے ساتھ ساتھ پاک فوج پر بھی نشانہ بازی شروع کردی ہے، وہ اکثر اوقات اینٹی فوج لوگوں کو اپنے پروگرام میں بلاتے ہیں اور ان کے منہ سے پاک فوج کیخلاف باتیں نکلواتے ہیں۔

Write on منگل, 17 اکتوبر 2017

تہران: ایران کے صدر حسن روحانی نے امریکہ کی پابندیوں کو مسترد کر دیا ہے۔غیر ملکی میڈیا کی رپورٹ کے مطابق ایرانی صدر کا کہنا ہے کہ امریکہ کی پابندیوں کا جواب میزائلوں کے تجربات سے دیا جائے گا۔پریس کانفرنس سے خطاب کرتے ہوئے ایرانی صدرکا کہنا تھا کہ امریکہ انفرادی حیثیت سے ایران کے ساتھ جوہری معاہدے کو ختم کرنے کا مجاز نہیں۔ اگر امریکہ ایسا کرے گا تو ایران بھی ایسا ہی کرے گا۔انھوں نے کہا کہ ایران اپنی سلامتی کو یقینی بنانے کیلئے عالمی توانائی ایجنسی سے تعاون کرتے ہوئے اسلحہ کی تیار ی جاری رکھے گا۔صدر روحانی نے مزید کہا کہ ایران اپنے جوہری پروگرام میں مزید توسیع کرے گا۔انھوں نے ٹرمپ انتظامیہ پر ایران کے خلاف سازشیں تیار کرنے کا الزام عائد کیا ۔انھوں نے یہ بھی کہا کہ امریکہ خطے پر نئی جنگ مسلط کرنے کیلئے داعش جیسی تنظیمیں تیار کر رہا ہے۔

Write on منگل, 17 اکتوبر 2017

بانگی :وسطی افریقا کے دارالحکومت بانگی میں گذشتہ روز ایک مسجد میں دہشت گردوں کے حملے میں 20 نمازیوں کی شہادت نے برما میں مسلمانوں پر ریاستی دہشت گردی کی یاد تازہ کردی ۔تفصیلات کے مطابق بانگی کی کالونی پانچ کلو میٹر میں ایک عیسائی دہشت گرد گروپ نے مسجد میں گھس کر 20 مسلمان نمازیوں کو شہید اور کئی درجن کو زخمی کردیا تھا۔ یہ واقعہ منگل کو جنوب مشرقی وسطی افریقا کے دمبی کے علاقے میں پیش آیا۔مسجد میں نماز کی ادائیگی میں مصروف مسلمانوں پر ’الانٹی بالاکا‘ نامی عیسائی ملیشیاکے دہشت گردوں نے حملہ کیا جس کے نتیجے میں بیس نمازی شہید ہوگئے۔وسطی افریقا کی پانچ کلو میٹر کالونی کے ترجمان عثمان محمد نے مسلمانوں کے قتل عام پر مقامی آبادی کے رد عمل پر سخت مایوسی کا اظہار کیا۔ انہوں نے کہا کہ ایک مسجد میں عبادت میں مصروف مسلمانوں کا وحشیانہ قتل عام عیسائیوں کے لیے بھی لمحہ فکریہ ہے۔ ایسے فرقہ پرست اور دہشت گرد گروپ کوپناہ دینا بھی دہشت گردی کی حمایت اور معاونت کے مترادف ہے۔

Write on منگل, 17 اکتوبر 2017

شمالی کوریا اور امریکا کے درمیان لفظی جنگ میں مزید شدت آ گئی، اقوام متحدہ کی جنرل اسمبلی کمیٹی میں شمالی کوریا کے نمائندے کا بڑا بیان، کم ان ریانگ کا کہنا ہے کہ کسی ملک کے خلاف ایٹمی ہتھیار استعمال کرنے کا ارادہ نہیں۔ امریکا کے فوجی اقدام کا ساتھ نہ دینے والے محفوظ رہیں گے۔ شمالی کوریا کے نمائندے کا مزید کہنا تھا کہ امریکا کا کوئی بھی حصہ ان کی دسترس سے باہر نہیں، ہمارے ملک پر بری نظر ڈالی تو دنیا بھر میں اسے نشانہ بنایا جائے گا۔ دوسری جانب روس کی تناؤ میں کمی کی کوششوں کو بھی دھچکہ لگا ہے۔ شمالی کوریا نے جنوبی کوریا کے ساتھ ماسکو میں براہ راست مذاکرات سے انکار کر دیا۔ امریکہ اور جنوبی کوریا کے درمیان سمندری علاقوں میں مشترکہ فوجی مشقوںکے بعدشمالی کوریا کا کہنا ہے کہ امریکی خطرات کی وجہ سے اسے ایٹمی ہتھیاروں کی ضرورت ہے۔تفصیلات کے مطابق امریکا اور جنوبی کوریا کے درمیان جنگی مشقوں کا نیا سلسلہ جاری ہو گیا ہے جس کے بارے جنوبی کوریا کی وزارت دفاع کے ترجمان نے اعلان کیا ہے کہ امریکہ کے ساتھ ان مشترکہ فوجی مشقوں کاآغاز پیر سے ہوا ہے اور رواں مہینے کی بیس تاریخ تک جاری رہیں گی- ان فوجی مشقوں میں رونالڈ ریگن طیارہ بحری بردار بیڑوں سمیت چالیس فوجی بیڑے حصہ لے رہے ہیں-شمالی کوریا نے ان جنگی مشقوں کو اپنے خلاف جنگ کی مشق قرار دیا ہے۔ امریکہ اور جنوبی کوریا نے گذشتہ اگست میں بھی مشترکہ فوجی مشقیں انجام دی تھیں ۔ جزیرہ نمائے کوریا میں ہونے والی ان فوجی مشقوں میں ستر ہزار فوجیوں نے شرکت کی تھی ۔چین کی وزارت خارجہ نے بھی ان فوجی مشقوں پر ردعمل ظاہر کرتے ہوئے اسے تباہ کن قرار دیا تھا اور کہا تھا کہ اس سے جزیرہ نمائے کوریا میں کشیدگی بڑھے گی-امریکی صدر ٹرمپ کے نئے جنگ پسندانہ رویے کے باعث شمالی کوریا اور امریکہ کے درمیان کشیدگی میں پہلے سے کہیں زیادہ اضافہ ہوگیا ہے- درایں اثنا روس کے شہر سن پیٹرزبرگ میں عالمی پارلیمانی یونین آئی پی یو کے ایک سو سینتیسویں اجلاس سے خطاب میں شمالی کوریا کی پارلیمنٹ کے ڈپٹی اسپیکر نے کہا ہے کہ شمالی کوریا کو امریکی دھمکیوں کے باعث ایٹمی ہتھیاروں کی ضرورت ہے- شمالی کوریا کے ڈپٹی اسپیکر آن تان

Write on منگل, 17 اکتوبر 2017

عراق میں حکومتی فورسز کرد جنگجوؤں کے زیرِ قبضہ متنازع شہر کرکوک میں داخل ہوگئی ہیں۔بغداد کا کہنا ہے کہ پیش مرگہ نے لڑے بغیر ہی یہ علاقے چھوڑ دیے تاہم کرکوک کے جنوبی علاقوں سے کچھ جھڑپوں کی اطلاعات ہیں۔
یہ کارروائی کردستان کے خطے میں آزادی کے لیے متنازع ریفرینڈم کے انعقاد کے ایک ماہ بعد شروع کی گئی تھی۔عراقی فوج کی پیش قدمی سے قبل ہی لاکھوں لوگ اس شہر کو چھوڑ چکے ہیں۔
اس سے قبل ایک فوجی بیان میں کہا گیا ہے کہ کے ون فوجی اڈے، بابا گروگر آئل اینڈ گیس فیلڈ اور تیل کی ریاستی کمپنی کے دفاتر پر حکومتی اختیار بحال کر لیا گیا ہے۔
امریکی حکام کا کہنا ہے کہ وہ عراق میں تمام ہی فریقین سے رابطے میں ہیں تاکہ اس کشیدگی کو کم کیا جا سکے۔

Write on منگل, 17 اکتوبر 2017

چارسدہ : تھانہ مندنی کی حدود سے10جولائی کو ایک خاتون 2 کمسن بیٹیوں سمیت پراسرار طور پر لاپتہ ہوگئی جس کی رپورٹ خاتون کے شوہر عرب دین نے تھانہ مندنی میں درج کرائی اور کہا کہ غائب ہونے والی خاتون اس کی دوسری بیوی ہے، واقعے کے 6 دن بعد تنگی پولیس کو زیارت کلے نہر سے ایک خاتون کی لاش ملی جس کو لاوارث قرار دے کر ٹی ایم اے حکام نے سرکاری قبرستان میں امانتاً دفنا دیا تھا۔

 

بعد ازاں خاتون کے شوہر عربدین نے پولیس کو بتایا کہ نہر سے برآمد ہونے والی لاش اس کی لاپتہ ہونے والی بیوی کی ہے جس پر مقامی مجسٹریٹ نے پولیس اور لواحقین کی موجودگی میں قبر کشائی کی، اس وقت خاتون کی والدہ اور شوہر عرب دین نے لاش کی شناخت کی اور میت اپنے گاؤں مندنی لے گئے جہاں باقاعدہ نماز جنازہ ادا کی گئی، اس حوالے سے مقتولہ کے شوہر عرب دین نے اپنی دوسری بیوی کے قتل کی دعویداری اپنے2 بیٹوں جمشید اور رشید پر کی جس پر پولیس نے دونوں بھائیوں کو گرفتار کر لیا جو آج کل جیل میں ہیں۔

 پُراسرار طور پر غائب ہونے والی خاتون نعیمہ ایک بیٹی سمیت آج (ہفتے کو) تنگی کے مضافاتی علاقے میں نظر آئی جس پر پولیس نے فوری کارروائی کر تے ہوئے خاتون کو کمسن بیٹی سمیت گرفتار کر کے تنگی تھانے منتقل کردیا جہاں ماہر پولیس افسر ان سے تفتیش کر رہے ہیں۔

دوسری جانب باوثوق ذرائع کے مطابق خاتون 2 بیٹیوں سمیت ایک رشتے دار کے ساتھ پنجاب فرار ہوئی تھی مگر اس حوالے سے پولیس حکام سردست کچھ بتانے سے انکاری ہیں

Write on منگل, 17 اکتوبر 2017

اسلام آباد : سابق وزیراعظم کی صاحبزادی مریم نواز کے میڈیا سیل کے 5افراد کو گرفتار کر لیا گیا۔میڈیا رپورٹ کے مطابق مریم نواز نے سرکاری خرچ اور کروڑوں اربوں روپے کی لوٹ مار کر کے ایک میڈیا سیل قائم کیا جس کے بعد اس میڈیا سیل کا ہیڈ کوارٹر پاکستان سے شفٹ کر کے دبئی لے گئیں۔اس میڈیا سیل کے افراد نے ملک کے اداروں بالخصوص فوج اور عدلیہ پر کیچڑ اچھالنے کی ایک منظم مہم چلائی تھی، ان میں سے پانچ عدد افراد کو لاہور سے گرفتار کر لیا گیا ہے، یہ وہ لوگ ہیں جو براہ راست ملوث ہیں، ان میں سے ایک میڈیا سیل فوج کو گالیاں دیتا تھا ، پولیس حراست میں گرفتار ملزمان نے اعتراف جرم کیا ہے کہ ہم نے کس نے کہنے پر یہ کام کیا تھا۔رپورٹ کے مطابق یہ لوگ مریم نواز کو براہ راست خبریں دیتے تھے جبکہ میڈیا سیل کے مزید چھبیس لوگوں کو بھی اس ضمن میں شناخت کیا گیا ہے جن کی گرفتاری بھی جلد ہو گی۔

Write on منگل, 17 اکتوبر 2017

 بحرین:  راحیل شریف کا کہنا ہے کہ اسلامی اتحادی فوج کسی ملک، مذہب یا مسلک کیخلاف نہیں بلکہ دہشت گردی کے خاتمے کیلئے قائم کیا گیا ہے۔ بحرین کے دارلحکومت منامہ میں منعقدہ بحرین انٹرنیشنل ڈیفینس نمائش سے افتتاحی خطاب کرتے ہوئے پاکستان کے سابق آرمی چیف اور اسلامی اتحادی فوج کے ملٹری کمانڈر راحیل شریف کا کہنا تھا کہ اسلامی اتحادی فوج کسی ملک، مذہب یا مسلک کیخلاف تشکیل نہیں دیا گیا۔اس اتحاد کا واحد مقصد دہشت گرد کا خاتمہ ہے۔ 

تفصیلات کے مطابق اس اتحاد میں اب تک 41 اسلامی ممالک شامل ہو چکے ہیں جبکہ کوئی بھی ملک اس اتحاد کا حصہ بننا چاہے تو اسے خوش آمدید کہیں گے۔ چونکہ اسلامی ممالک دہشت گردی کا سب سے زیادہ شکار ہوئے ہیں اسی لیے سعودی عرب کی قیادت نے اسلامی اتحادی فوج کا پلیٹ فارم تشکیل دیا جہاں اسلامی اتحادی ممالک کی دفاعی صلاحتیوں کو بروئے کار لاکر دہشت گردی کو شکست دی جا سکے گی۔اس سلسلے میں سعودی ولی عہد شہزادہ سلمان کا کردار سب سے قابل تحسین ہے۔ راحیل شریف نے کہا کہ انہیں اسلامی اتحادی فوج کا ملٹری کمانڈر ہونے پر فخر ہے۔ راحیل شریف کا مزید کہنا تھا کہ دہشت گرد تنظیموں نے جہاد کے مقصد کا غلط استعمال کرتے ہوئے اسلام کے نام پر اپنے ہولناک مقاصد کی تکمیل کی۔ ایسے غیر ریاستی عناصر گزشتہ کئی برسوں کے دوران خوب پھلے پھولے ہیں اور اب یہ عالمی قووتوں کے درمیان تناو اور چھوٹے ممالک کی کمزوریوں کا فائدہ اٹھا رہے ہیں۔راحیل شریف نے پیش کش کی کہ ایسے غیر ریاستی عناصر اور دہشت گردی کیخلاف پاکستان نے سب سے بڑی اور موثر جنگ لڑی ہے۔ خاص کر بھارتی خفیہ ایجنسی را کے نیٹ ورک کے دہشت گردی میں ملوث ہونے کو پاکستان نے کمال مہارت اور کامیابی سے نا صرف بے نقاب کیا بلکہ اس کا قلعہ بھی قمع کیا۔ لہذا دنیا کو دہشت گردی کیخلاف پاکستان کی جنگ کے تجربے سے فائدہ اٹھانا چاہیے۔راحیل شریف نے اپنے خطاب کے دوران مسئلہ کشمیر، فلسطین اور روہنگیا کے متعلق بھی اظہار خیال کرتے ہوئے کہا کہ بین الاقوامی برادری اور خاص کر مسلمان ممالک کو مشترکہ طور پر ان سنگین، دیرینہ اور حل طلب مسائل کے حل پر توجہ مرکوز کرنا ہوگی۔ نمائش میں شرکت کیلئے آمد پر راحیل شریف کا بحرین کے ولی عہد نے شاندار استقبال کیا۔ بحرین کے ولی عہد نے راحیل شریف کی صلاحتیوں اور اسلامی اتحادی فوج کی مضبوطی کیلئے ادا کیے کردار کی بھی خوب تعریف کی اور انہیں بھرپور خراج تحسین پیش کیا۔ نمائش میں راحیل شریف نے پاک فوج کے اسٹال کا خصوصی دورہ کیا اور شاندار انتظامات پر خوش کا اظہار کرتے ہوئے اسٹال کی خوب تعریف بھی کی۔

 

صفحہ نمبر 1 ٹوٹل صفحات 1235

تازہ ترین خبریں

کالم / بلاگ