ہیڈلائنز

Reporter FK

Write on جمعرات, 14 دسمبر 2017

اسلام آباد : اسپیکرقومی اسمبلی ایازصادق نے تشویش کا اظہار کرتے ہوئے کہا کہ مجھے نہیں لگتا کہ اسمبلی اپنی مدت پوری نہ کرے۔
ایاز صادق نے کہا کہ جو کچھ دیکھ رہا ہوں وہ 2002 یا 2008 میں بھی نہیں دیکھا، انہوں نے کہا کہ پہلی بار سیاست سے ناامید ہوں۔
اسپیکرقومی اسمبلی نے کہا کہ مجھے لگتا ہے کچھ ہونے والا ہے، اسمبلی تحلیل کرنےکی پوزیشن میں نہیں ہوں انہوں نے کہا کہ کسی نےاستعفےدیے توبات چیت کریں گے۔
سردارایاز صادق نے کہا کہ حکومت مضبوط بھی ہوئی اورمصلحتاً کمزوربھی ہوئی ہے۔
اسپیکرقومی نے بیرونی خطرات کا ذکرکرتے ہوئے کہا کہ موجودہ صورت حال بہت غیریقنیی کی ہے، ہمیں الیکشن کے عمل سے گزرنے کے لیے وقت درکار ہے۔

Write on جمعرات, 14 دسمبر 2017

کراچی : جمیعت علمائے پاکستان کے رہنما شاہ اویس نورانی نے ملک میں بڑھتی ہوئی لاقانونیت اور کرپشن میں اضافے کیخلاف ایم ایم اے کو بحال کرنے کا اعلان کردیا، انہوں نے کہا کہ آئندہ عام انتخابات میں بھرپور حصہ لیاجائےگا۔
کراچی میں مولانا شاہ احمد نورانی مرحوم کی رہائش گاہ پر اجلاس ہوا جس میں شاہ اویس نورانی ، مولانا فضل الرحمٰن، سراج الحق، ساجدنقوی،علامہ ساجدمیر، پیر اعجاز ہاشمی ، ڈاکٹر حافظ عبد الکریم ، رانا محمد شفیق پسروری سمیت دیگر نے شرکت کی۔
اجلاس کے بعد پریس کانفرنس میں رہنماؤں کا کہنا تھا کہ آئندہ ایک ماہ میں جو جماعت حکومتی اتحاد میں ہے وہ علیحدگی کا فیصلہ کرے گی پھر ایم ایم اے کی قیادت اورعہدیداران کا فیصلہ کیا جائے گا۔
آئندہ ایک ماہ بعد ایم ایم اے کا اجلاس کے پی کے میں ہوگا،ایم ایم اے کے پلیٹ فارم سے اتحاد میں شامل تمام جماعتیں الیکشن میں ایک نشان کتاب پر حصہ لیں گی۔
ان کا مزید کہنا تھا کہ ایم ایم اے کی دیگر جماعتوں سے رابطہ کیا جائے گا اور نیا انتخابی منشور تشکیل دیا جائے گا، ایم ایم اے کی دیگر جماعتوں سے رابطہ اور نیا انتخابی منشور تشکیل دیا جائے گا۔
اس موقع پر مولانا فضل الرحمان نے کہا کہ یہ ایک سیاسی اتحاد ہے جبکہ سراج الحق نے خوشحال پاکستان کے لئے تمام جماعتوں کو پلیٹ فارم پر جمع ہونے کی دعوت بھی دی۔

Write on جمعرات, 14 دسمبر 2017

 ویرات کوہلی کے مداح میں برطانوی خاتون کرکٹر ڈینئل وایٹ بھی شامل ہیں۔ اس خاتون کھلاڑی نے 2014ء میں ویرات کوہلی کو ٹویٹر کے ذریعے شادی کا پیغام بھیجا تھا لیکن انہوں نے اس کا کوئی جواب نہیں دیا تھا۔

 

ڈینئل وائٹ نے اپنی ٹویٹ میں صاف الفاظ میں کہا تھا کہ کوہلی مجھ سے شادی کر لو۔ ان کا ٹویٹ کے منظرِ عام پر آتے ہی ٹویٹر صارفین نے ڈینئل وایٹ کا خوب مذاق اڑایا تھا، جن میں خواتین سرفہرست تھیں۔ کسی خاتون صارف نے کہا کہ کوہلی صرف میرا ہے، تو کسی نے ڈینئل وایٹ کو خود کشی کا مشورہ دیا۔اب اس برطانوی کرکٹر نے ویرات کوہلی اور انوشکا شرما کو شادی کرنے پر مبارکباد کا پیغام دیا ہے، لیکن اس موقع پر بھی ٹویٹر صارفین نے ڈینئل وایٹ کو نہیں چھوڑا اور مذاق کا نشانہ بنایا۔ ایک صارف نے لکھا کہ ٹویٹر پر آپ ہی وہ شخصیت ہیں جنھیں میں ردعمل دینے کے بارے میں سوچ رہا تھا، گڈ لک۔ایک اور صارف نے لکھا کہ کرکٹرز کا پیار اکثر ایکٹریس یا ماڈل لے جاتی ہیں، آپ دل چھوٹا نہ کریں۔ روشن چیتری نامی صارف نے کہا کہ مجھے پتہ ہے کہ آپ اس موقع پر دل شکستہ ہیں لیکن زندگی چلتی رہتی ہے۔خیال رہے کے ویرات کوہلی اور ان کی محبوبہ انوشکا شرما نے اٹلی کے 800 سال پرانے دنیا کہ مہنگے ترین مقام پر اپنی شادی کر لی ہے ۔ شادی کی تقریب میں دونوں جانب سے چند منتخب مہمانوں نے شرکت کی تھی ۔

 

Write on جمعرات, 14 دسمبر 2017

شارجہ: ٹی 10 لیگ کو دیکھنے کے لیے شوبز ستارے اور کرکٹ کے پرستار بے تاب ہیں،

DRBG78kXcAA1sUm
تفصیلات کے مطابق کرکٹ کی تاریخ ایک نیا باب درج کرنے جارہی ہے جس کے لیے کھلاڑی اور شائقین بے حد پرجوش ہیں، نوے منٹ کے دورانیے میں دونوں ٹیموں کو 10 ، 10 اوورز کھیلنے ہوں گے۔

sdfgdfgdfh


کرکٹ کی تاریخ میں نیا فارمیٹ دیکھنے کے لیے نہ صرف شائقین پرجوش ہیں بلکہ شوبز انڈسٹری کی معروف شخصیات اور دیگر کرکٹر نے بھی لیگ کے انعقاد پر نیک خواہشات کا اظہار کیا ہے۔

76588878
بالی ووڈ اداکار سہیل خان اور زرین خان پختونز ٹیم کو سپورٹ کررہے ہیں جبکہ سشمیتا سین نے بنگال ٹائیگرز کی حمایت کرتے ہوئے پہلے میچ میں اُن کے لیے نیک خواہشات کا ظہار کیا ہے۔

54678

 

Write on جمعرات, 14 دسمبر 2017

حکومت نے ایم کیو ایم کے دباؤ پر ایک فیصد بلاکس کی بجائے ملک بھر سے پانچ فیصد بلاکس کی دوبارہ مردم شماری کیلئے کسی تیسری غیر سرکاری فرم سے خدمات حاصل کرنے کا فیصلہ کرلیا ہے۔مردم شماری کی شفافیت کا تعین کرنے کے لئے نمونہ بندی پر کروڑوں کی لاگت کا امکان ہے۔ 15 مارچ 2017ءکی مردم شماری کے عبوری نتائج میں مجموعی طور پر 168944 بلاکس کا تعین کیا گیا تھا، مشترکہ مفادات کونسل کے اولینا جلاس میں اپوزیشن کے 10 فیصد بلاکس کی نمونہ بندی کے مطالبے کو مسترد کرکے ایک فیصد بلاکس کی جانچ پڑتال پر اتفاق کیا گیا تھا تاہم ایم کیو ایم کے تحفظات دور کرنے کے لئے ایم کیو ایم کے رہنما فاروق ستار کے دباؤ پر تھرڈ پارٹی مردم شماری کے ذریعے شفاف نتائج کا حتمی فیصلہ کرنے کے لئے پانچ فیصد بلاکس کو منتخب کیا گیا ہے۔حالیہ مردم شماری کے دوران پنجاب کے 36 اضلاع میں 4350 بلاکس، سندھ کے 29 ضلعوں میں 1957بلاکس، خیبرپختونخواہ کے 25اضلاع میں 1079بلاکس، بلوچستان کے 32 ضلعوں میں 510 بلاکس، فاٹا 205 بلاکس جبکہ اسلام آباد کے 1اضلاع کے 76 بلاکس کو شمار کیا گیا تھا۔ واضح رہے کہ ایک بلاک کے تعین کیلئے مجموعی طور پر 2000سے 2500 گھروں کو شامل کیا گیا ہے۔

Write on جمعرات, 14 دسمبر 2017

بھارتی کرکٹر ویرات کوہلی اور اداکارہ انوشکا شرما نے شادی میں شریک مہمانوں کو اپنی پسندیدہ کتاب ’رومی‘ تحفے میں دی۔ بھارتی کرکٹ ٹیم کے کپتان ویرات کوہلی اور اداکارہ انوشکا شرما نے 3 روز قبل اٹلی کے شہر میلان میں زندگی کی نئی اننگز کا آغاز کیا۔ کرکٹ اسٹار اوربالی وڈ حسینہ کی شادی کا شمار بھارت کی مہنگی ترین شادیوں میں کیا جا رہا ہے جس کے لیے دنیا کا دوسرا مہنگا ترین ریزورٹ ’بوگو فینو چیتو ‘ کرائے پر لیا گیا تھا۔دونوں کی شادی اٹلی کے پر فضا مقام پر ہوئی جس میں ان کے خاندان کے افراد اور قریبی دوست شامل تھے جنہیں شادی شدہ جوڑے کی جانب سے نہایت قیمتی کتاب تحفے میں دی گئی۔انوشکا شرما اور ویرات کوہلی کی شادی کی منتظم دیویکا نارائن کے مطابق انوشکا شرما اور ویرات کوہلی کو صوفی ازم اور شاعری سے گہرا لگاؤ ہے جس کی وجہ سے انہیں مولانا رومی بہت پسند ہیں یہی وجہ ہے کہ نوبیاہتا جوڑے نے شادی میں شریک مہمانوں کو مولانا رومی کی شاعری کا مجموعہ تحفے میں دیا ہے۔یاد ہے کہ مولانا جلال الدین رومی اپنے دور کے اکابر علماء میں شمار ہوتے تھے لیکن انہیں شہرت بطور شاعر ملی وہ 12 ویں صدی کے مشہور فارسی شاعر ہیں۔

Write on جمعرات, 14 دسمبر 2017

 صحافی چوہدری غلام حسین نے انکشاف کیا ہے کہ نواز شریف ، شہباز شریف اور خاقان عباسی ایک نیا گھناﺅنا منصوبہ لندن میں بنا رہے ہیں جس میں فوج اور عدلیہ کے خلاف نئے احکامات نئی سازشوں کے تحت بین الاقوامی ایجنسیوں کو ساتھ ملا کر پاکستان اور اس کے ریاستی اداروں کے خلاف منصوبہ بندی کی جائے گی ۔

شاہد خاقان عباسی نے کہا تھا کہ وہ وزیر اعظم ہاؤس میں داخل نہیں ہوں گے لیکن جب فیض آباد میں تحریک لبیک کا دھرنا تھا تب پی ایم ہاﺅس پہنچ گئے اور کہا کہ یہ لوگ مجھے مار دیں گے ۔ چوہدری غلام حسین نے بتایاکہ یہ سب مل کر لندن میں منصوبہ بنا رہے ہیں اور پیسے آپس میں بانٹ رہے ہیں – انہوں نے کہا کہ وزیر داخلہ احسن اقبال کہہ رہے ہیں کہ اسحاق ڈار کو میڈل دینا چاہئیے، یہ نواز شریف کے سامنے اپنے نمبر بنا رہے ہیں ۔ ان کو کوئی بتائے کہ آپ کے نوا ز شریف کی نظر میں نمبر بنانے سے اس سے ملک کابیڑہ غرق ہو جائے گا۔ (ن) لیگی ذرائع کے مطابق وزیراعظم شاہد خاقان، وزیراعلیٰ پنجاب اور وزیرخارجہ لندن پہنچے ہیں۔سابق وزیراعظم نواز شریف اور اسحاق ڈار پہلے سے ہی لندن میں موجود ہیں۔ذرائع کا کہنا ہے وزیراعظم شاہدخاقان عباسی کی سابق وزیراعظم نوازشریف سے ملاقات میں وزیراعلیٰ پنجاب شہبازشریف، وزیرخارجہ خواجہ محمد آصف بھی موجود ہوں گے اور اسحاق ڈار کی شرکت بھی متوقع ہے۔ ملاقات میں ملک کی سیاسی اور معاشی صورت حال پر بات ہوگی۔مختلف عدالتوں میں زیر سماعت مقدمات بھی ملاقات میں زیر غور آسکتے ہیں۔خواجہ آصف کا کہنا ہے کہ نواز شریف سے ملیں گے مگر بہت اہم اور بڑی میٹنگ کی بات غلط ہے۔میرے خیال میں نوازشریف دو تین روز میں پاکستان واپس جائیں گے۔اس سے پہلے وزیراعظم شاہد خاقان عباسی، وزیراعلیٰ پنجاب شہباز شریف اور وزیرخارجہ خواجہ محمد آصف ترکی سے لندن پہنچے۔جہاں وزیراعظم شاہدخاقان عباسی نے سابق وزیراعظم شوکت عزیزکے گھر جاکر ان کے بیٹے کے انتقال پر تعزیت کی۔اس موقع پر وزیراعلیٰ پنجاب میاں شہبازشریف اوروزیرخارجہ خواجہ آصف بھی وزیراعظم کےساتھ موجودتھے

Write on جمعرات, 14 دسمبر 2017

اسلام آباد : معروف ادیب اور پاکستان ٹیلی ویژن کے چیئرمین عطاءالحق نے وفاقی وزارت اطلاعات و نشریات میں ہونے والی مداختلوں اور کام میں رکاوٹ ڈالے جانے سبب مستعفی ہونے کا فیصلہ کرتے ہوئے مستعفی ہونے کا ایک ماہ کا پیشگی نوٹس سیکرٹری انفارمیشن کو بھیج دیا ہے۔
مستعفی چیئرمین پی ٹی وی نے اپنے استعفے میں لکھا ہے کہ وزارت اطلاعات و نشریات اور قومی ثقافتی و ادبی ورثہ کی موجودہ صورت حال کے باعث مجھے پی ٹی وی کی عظمت رفتہ کی بحالی میں رکاوٹوں کا سامنا ہے جس کے باعث میں اپنے اہداف کو حاصل نہیں کر پا رہا ہوں۔
انہوں نے مزید کہا کہ ایسی صورت حال میں میں میرے لئے قومی ٹیلی ویژن میں بہ طور چیئرمین فرائض انجام دیتے رہنے مشکل ہو گیا ہے چنانچہ میں ملازمت کے معاہدے پر عمل کرتے ہوئے ایک ماہ کا پیشگی نوٹس برائے استعفیٰ بھیجوا رہا ہوں۔
خیال رہے کہ معروف ادیب و شاعر عطاء الحق قاسمی سابق وزیراعظم نواز شریف کے معتمد خاص اور پرانے با اعتماد ساتھی ہیں جو اس قبل ناروے اور تھائی لینڈ میں سفیر کی خدمات انجام بھی دے چکے ہیں جب کہ انہیں دسمبر 2015 میں پی ٹی وی چیئرمین نامزد کیا گیا تھا۔

صفحہ نمبر 1 ٹوٹل صفحات 1315

تازہ ترین خبریں

کالم / بلاگ